توشہ خانہ ریفرنس میں فوجداری کارروائی کے کیس میں چیئرمین پی ٹی آئی عمران خان پر فردجرم نہ لگ سکی۔سیشن کورٹ اسلام آباد نے عمران خان کی حاضری سے استثٰی کی درخواست منظور کرکے فرد جرم کی کارروائی 28 فروری تک ملتوی کردی گئی۔

الیکشن کمیشن کے وکیل نے عمران خان کی حاضری سے استثنیٰ کی درخواست پر اعتراض اٹھاتے ہوئے کہا کہ عمران خان گزشتہ روز لاہور ہائیکورٹ میں اپنے پاؤں پر کھڑے ہو کر گئے، الیکشن کمیشن کے وکیل نے عمران خان کا پمز سے طبی معائنہ کروانے کی استدعا کردی۔

جج نے ریمارکس دئیے کہ عمران خان کی پمز سے طبی رپورٹ بنوا لیتے ہیں، عمران خان کا ایم ایل سی دکھا دیں تاکہ انجری کی نوعیت دیکھ لیں۔عمران خان کو آج بھی ذاتی حیثیت میں عدالت نے طلب کر رکھا تھا، ہر تاریخ پر حاضری سے استثنیٰ دیا جا رہا ہے۔

عدالت نے وکیل کو مخاطب کرتے ہوئے ریمارکس دیئے ہم مسلسل آپ لوگوں کی مان رہے ہیں، اگلی سماعت پر مؤکل کو ہر صورت پیش کریں۔