پی ٹی آئی کی جیل بھرو تحریک، آج نماز جمعہ کے بعد راولپنڈی سے شروع ہوگی

راولپنڈی: پاکستان تحریک انصاف کی جیل بھرو تحریک کے تیسرے مرحلیمیں  آج باری راولپنڈی سے نماز جمعہ کے بعد شروع ہوگی۔

گرفتاریاں کمیٹی چوک اور تھانہ آر اے بازار کے باہر پیش کی جائیں گی۔

ذرائع کا کہنا ہے کہ راولپنڈی پولیس نے کی حکمت عملی تقریباً لاہور والی ہے، پارٹی رہنماں یا کارکنوں نے امن و امان خراب کیا تو گرفتار کریں گے، راولپنڈی پارٹی رہنماوں کو امن و امان برقرار رہنے تک گرفتار نہیں کریں گے۔

ذرائع کے مطابق  راولپنڈی میں پولیس نے 9 قیدی گاڑیاں سٹینڈ بائی کر دی ہیں، راولپنڈی پولیس کی 20 بسیں بھی سٹینڈ بائی پر رہیں گی، راولپنڈی ضلع میں تاحال دفعہ 144 نافذ نہیں کی گئی۔

پولیس کے مطابق راولپنڈی میں امن و امان خراب کرنیوالے رہنماوں کو اڈیالہ جیل منتقل نہ کرنے کا فیصلہ کیا گیا، اڈیالہ جیل میں گنجائش سے زائد قیدی موجود ہیں، مزید قیدی نہیں رکھ سکتے،  راولپنڈی سے گرفتار رہنماوں کو ریجن کی دیگر جیلوں میں بھیجا جائے گا۔