وزیراعظم کی سکھ برادری کوبیساکھی تہوار پر مبارکباد

تفصیلات کے مطابق وزیر اعظم عمران خان نے ٹوئٹر پر جاری اپنے پیغام میں سکھ برادری کو ان کے مذہبی تہوار بیساکھی کی مبارک باد دیتے ہوئے کہا  کہ ہم نے سکھ برادری اور بھارتی یاتریوں کو پاکستان میں ان کے گوردواروں پر حاضری اور بیساکھی کی تقریب میں شرکت کیلئے خصوصی اجازت دی ہے۔ وزیراعظم  نے کہا کہ انہیں کورونا وائرس سے بچاؤ کے سخت اقدامات کے تحت لنگر، نقل و حمل اور رہائش کی سہولیات فراہم کی جائیں گی۔

Wishing our Sikh community a happy Baisakhi festival. We have granted Sikh Diaspora & Indian Yatrees special permission to visit their holy Gurdwaras in Pak & attend the Baisakhi rituals. They will be facilitated with Langar, transport & accommodation under strict Covid protocols

— Imran Khan (@ImranKhanPTI) April 14, 2021

واضح  رہے کہ ہر سال بھارت سے سکھ یاتری اپنے مذہبی تہواروں کے موقع پر کرتار پور اور ننکانہ صاحب میں گردوارہ جنم استھان پہنچتے ہیں اور اپنی مذہبی رسومات ادا کرتے ہیں۔

یاد رہے کہ  وسط اپریل میں پنجاب میں جہاں گندم کی فصل کی کٹائی شروع ہوتی ہے تو وہیں دیسی مہینے بیساکھ کا آغاز بھی ہوجاتا ہے، اسی مہینے میں راولپنڈی  کے قریب قصبے حسن ابدال میں سکھوں کے موسمی تہوار  بیساکھی کے میلے کی تقریبات بھی منعقد ہوتی ہیں، جس میں شرکت کیلئے بھارتی صوبوں پنجاب اور ہریانہ سے ہزاروں سکھ خصوصی ٹرینوں کے ذریعے پاکستان  پہنچتے ہیں۔