یونان: دو ٹرینوں میں تصادم،26افراد ہلاک

یونان: شہر لاریسا کے قریب دو ٹرینیں آپس میں ٹکرا گئیں جس کے نتیجے میں کم از کم 26 افراد ہلاک اور درجنوں زخمی ہو گئے۔
 
ریسکیو ادارے کا کہنا ہے کہ مسافروں کو بچانے اور منگل کی شام لاریسا شہر کے قریب حادثے کی وجہ سے لگی آگ کو بجھانے میں مصروف ہیں۔

my thoughts and prayers to all the victims in the train crash and to the families of those who didn't make it #Greece ???️?️

Om Shanti?#TrainAccident #viralvideo #Jawan #BreakingNews #TeJran #INDvAUS #nothingphone2 pic.twitter.com/38NKIp5aje

— ???? ???? (@joyakhan_joya) March 1, 2023

بتایا جاتا ہے کہ ایک ٹرین جس میں تقریبا 350 مسافر سوار تھے مال بردار ٹرین سے ٹکرا گئی۔

مقامی نیوز سائٹس پر شائع ہونے والی فوٹیج میں پٹری سے اتری ہوئی بوگیوں سے خوفناک شعلے اور دھویں کے گہرے بادل اٹھتے ہوئے دکھائی دے رہے ہیں۔

فائر بریگیڈ کا کہنا ہے کہ 17 گاڑیاں جائے وقوعہ پر موجود ہیں جو آگ بجھانے کی کوشش کر رہی ہیں۔ابھی تک یہ معلوم نہیں ہو سکا کہ تصادم کی وجہ کیا ہے۔مسافر ٹرین تھیسالونیکی اور لاریسا کے درمیان سفر کر رہی تھی۔

جائے وقوعہ سے نکالے گئے ایک نامعلوم نوجوان کے حوالے سے بتایا کہ "گاڑی میں خوف و ہراس پھیل گیا، لوگ چیخ رہے تھے۔""یہ ایک زلزلے کی طرح تھا،" اینجلوس سیاموراس نامی ایک اور مسافر نے مقامی میڈیا کو بتایا۔

لازوس نامی ایک اور مسافر نے پروٹوتھیما اخبار کو بتایا کہ یہ تجربہ "بہت چونکا دینے والا" تھا۔ انہوں نے کہا کہ مجھے کوئی چوٹ نہیں آئی لیکن میں دوسرے لوگوں کے خون سے رنگا ہوا تھا جو میرے قریب زخمی ہوئے تھے۔