سی ٹی ڈی کی کارروائی، دو دہشتگرد ہلاک ، دو گرفتار

کراچی: سی ٹی ڈی کا ناردرن بائی پاس منگھو پیر مائی گاڑی مزار کے قریب مقابلے میں دو دہشتگرد ہلاک ، جبکہ دو کو گرفتار کرلیا گیا ہے۔

انچارج کاؤنٹر ٹیررازم ڈیپارٹمنٹ (سی ٹی ڈی) عمر خطاب کے مطابق کراچی پولیس آفس پر حملے کا ماسٹر مائنڈ دہشتگرد ساتھی سمیت مارا گیاایک ہلاک دہشتگرد کی شناخت اریاد اللہ کے نام سے ہوئی ہے۔

شہر قائد کے علاقے منگھو پیر مائی گاڑی مزار کے قریب آپریشن خفیہ اطلاع پر کیاگیا، دہشتگرد اریاد اللہ کے پی او حملے کا ماسٹر مائنڈ تھا، دہشتگردوں کے قبضے سے خودکش جیکٹ، 5 چھوٹے ہتھیار برآمد ہوئے ہیں۔ 

یاد رہے کہ 17 فروری کی شب دہشت گردوں نے کراچی پولیس ہیڈ آفس پر حملہ کیا تھا جس کے نتیجے میں 2 پولیس اہلکاروں اور رینجرز اہلکار سمیت 4 افراد شہید ہوئے تھے

سی ٹی ڈی کے مطابق ہلاک دہشتگرد کالعدم ٹی ٹی پی کراچی کا کمانڈر تھا۔