کراچی: پاکستان اور نیوزی لینڈ کے درمیان لاہور میں شیڈول تین ٹی ٹوئنٹی انٹرنیشنل میچز کے ٹکٹس کل(اتوار کو) صبح 11 بجے سے فروخت کئے جائیں گے۔

پاکستان کرکٹ بورڈ (پی سی بی) کے ترجمان کے ہفتہ کو جاری اعلامیہ میں بتایا کیا ہے کہ دونوں ٹیمیں 14، 15 اور 17 اپریل کو قذافی اسٹیڈیم میں مدمقابل ہوں گی۔ پاکستان کرکٹ بورڈ نے 250 سے 3 ہزار روپے تک ٹکٹوں کی قیمتیں مقرر کی ہیں۔

وسیم اکرم پر مشتمل وی وی آئی پی انکلوژر کے ٹکٹ کی قیمت 3 ہزار جبکہ فضل محمود اور عمران خان پر مشتمل وی آئی پی انکلوژرز کے ٹکٹ 2 ہزار روپے میں فروخت کئے جائیں گے۔

اسی طرح راجہ اور سعید انور پر مشتمل پریمیم کے ٹکٹ ایک ہزار اور عبدالقادر، اے ایچ کاردار، جاوید میانداد اور سرفراز نواز انکلوژرز کے ٹکٹس 500 روپے جبکہ حنیف محمد، امتیاز احمد، انضمام الحق، ماجد خان، نذر، قائد، سعید احمد اور ظہیر عباس پر مشتمل جنرل انکلوژرز کے ٹکٹس 250 روپے میں فروخت کئے جائیں گے۔

پی سی بی نے اے پی پی کو دیگر تفصیلات شیئر کرتے ہوئے بتایا کہ پہلے مرحلے میں کل( اتوار سے) pcb.bookme.pk کے ذریعے آن لائن ٹکٹس فروخت کی جائیں گی اور شائقین اصل شناختی کارڈ دیکھا کر ٹکٹس خرید سکیں ہیں۔

سٹیڈیم میں داخل ہونے کے لیے شائقین کو اپنا اصل شناختی کارڈ اور 18 سال سے کم عمر افراد کو ب فارم دیکھانا ہوگا۔ دوسرے مرحلے میں 6 اپریل سے فزیکل ٹکٹس دستیاب ہوں گے۔ سیل پوائنٹس سے متعلق تفصیلات کا اعلان مناسب وقت پر کیا جائے گا۔

اسی طرح راولپنڈی اور کراچی میں ہونے والے میچوں کے ٹکٹوں کی تفصیلات کا اعلان مناسب وقت پر کیا جائے گا۔

ایلون مسک کی جانب سے سماجی رابطے کی ویب سائٹ ٹویٹر کی خریداری کے بعد اعلان کیا گیا تھا جو بھی صارف یہ سہولت حاصل کرنا چاہتا ہے اسے ہر حال میں پیسے ادا کرنا ہونگے۔

اسی حوالے سے ایک کمپنی کی طرف سے کمپنیوں اور اداروں کے لیے نیا فیچر ویری فکیشن فار آرگنائزیشنز متعارف کرا دیا گیا ہے۔

ٹوئٹر کی جانب سے ٹوئٹ میں بتایا گیا ہے کہ نئے فیچر سے اداروں کو خود سے منسلک یا ملحق اکاؤنٹس کو ویری فائیڈ کرانے میں مدد ملے گی۔ فیچر کمپنیوں کو اپنے سے منسلک اکاؤنٹس کو ویری فائیڈ کرنے کا مکمل اختیار فراہم کرے گا۔ ٹوئٹر پر انحصار کرنے کی بجائے اب ادارے اس فیچر کے ذریعے اپنے منسلک اکاؤنٹس کو خود ویری فائی کر سکیں گے۔ ایسے منسلک اکاؤنٹس کی پروفائل پر ایک بیج ہوگا جس میں ادارے کا لوگو بنا ہو گا۔

اس حوالے سے کمپنیوں، حکومتی اور دیگر اداروں کو ایک ویب سائٹ پر جاکر ویٹ لسٹ پر کلک کرنا ہوگا۔ کمپنی کی جانب سے اس ویٹ لسٹ کی بنیاد پر ای میل کے ذریعے ان اداروں کو فیچر کا حصہ بننے کے بارے میں بتایا جائے گا۔

ایرانی سرزمین سے دہشت گردوں نے پاکستانی سیکیورٹی فورسز پر حملہ کردیا، واقعے میں 4 سیکیورٹی اہلکار شہید ہوگئے۔

آئی ایس پی آر کے مطابق ایرانی سرزمین سے دہشت گردوں نے جلگئی کیچ سیکٹر میں پاکستانی سیکیورٹی فورسز پر حملہ کیا، واقعے میں نائیک شیر احمد، لانس نائیک محمد اصغر، سپاہی محمد عرفان اور سپاہی عبدالرشید شہید ہوگئے۔

ترجمان پاک فوج کا کہنا ہے کہ دہشت گردوں کیخلاف مؤثر کارروائی کیلئے ایران سے ضروری رابطے کئے جارہے ہیں، مستقبل میں ایسے واقعات کی روک تھام کیلئے ایران سے معاملات زیر بحث لائے جائیں گے۔