شیخ رشید کی پی ٹی آئی کے کارکنان کی گرفتاریوں اور تشدد کی مذمت

سابق وفاقی وزیر داخلہ  اور سربراہ عوامی مسلم لیگ شیخ رشید احمد کا کہنا ہے کہ سیاسی ورکرز کو پولیس کی جانب سے تشدد کا نشانہ بنائے جانے کی پر زور مذمت کرتا ہوں۔

سماجی رابطے کی ویب سائٹ ٹوئٹر پر شیخ رشید احمد کا کہنا تھا کہ رات 12 بجے کے بعد راولپنڈی کی پولیس 70 سے 80 ورکرز کو گرفتار کر کے لے گئی ہے، میں سیاسی ورکرز کو پولیس کی جانب سے تشدد کا نشانہ بنائے جانے کی پر زور مذمت کرتا ہوں۔

آئی ایم ایف سےابھی تک کوئی معاہدہ طےنہیں پایااورنہ ہی کسی دوست ممالک سے5ڈالرکی مددملی۔ظلم یہ خودکرتےہیں اورواویلابھی نہیں ڈالنےدیتےبیساکھیوں کےسہارےزیادہ دیرحکومتیں نہیں چلتی۔جی کاجاناٹھہرگیاہےصبح گیاہےیاشام گیاہےعوام تباہ حال آہ و زاری کررہےہیں اوریہ طاقت کےزورپرحکمرانی کررہےہیں

— Sheikh Rashid Ahmed (@ShkhRasheed) March 21, 2023

انہوں نے کہا کہ یہ ظلم، بربریت اورانتہا پسندی ہے، انہوں نے ہر قیمت پر الیکشن سے فراری کا فیصلہ کر لیا ہے اور تحریک انصاف کے خلاف زبردست کریک ڈاؤن شروع کر دیا ہے لیکن ہمارے حوصلے بلند ہیں، ہمارے جذبے بلند ہیں، تمام گرفتاریوں کی پرزور مذمت کرتا ہوں۔

شیخ رشید کا کہنا تھا کہ آئی ایم ایف سےابھی تک کوئی معاہدہ طےنہیں پایااورنہ ہی کسی دوست ممالک سے5ڈالرکی مددملی ہے۔ظلم یہ خودکرتےہیں اورواویلابھی نہیں ڈالنےدیتے۔بیساکھیوں کےسہارےزیادہ دیرحکومتیں نہیں چلتی۔

pic.twitter.com/wa0ZyKras3

— Sheikh Rashid Ahmed (@ShkhRasheed) March 21, 2023

سابق وزیر کا کہنا تھا کہ ہم کل کے جلسے کو ایک تاریخی جلسہ بنائیں گے، پی ٹی آئی ورکرز اور اپنے لوگوں سے کہوں گا کہ احتیاط برتیں، پاکستان، عمران خان، اثاثوں کے دفاع کیلئے دل اور جان کی بازی لگانے کے لئے تیار ہو جائیں۔

سابق وزیر داخلہ نے کہا کہ ساڑھے چھ سو روپے آٹے کا تھیلا بارہ سو روپے کا ہوگیا اور ڈرامہ یہ کیا جا رہا ہے کہ آٹا مفت تقسیم کریں گے۔11 مہینےپی ڈی ایم نے جو کیا وہ خودالٹا انکے گلے پڑا ہےآخر کار لوگ بھوک مہنگائی اور ننگ کے مارے سڑکوں پر آئیں گے اور اپنا حق لے کر رہیں گے۔90روزمیں صاف اورشفاف الیکشن میں ہی ملک کی بقاء ہے