نواز الدین صدیقی کا سابقہ اہلیہ،بھائی پر 100 کروڑ ہرجانےکا دعویٰ

بھارتی اداکارنوازالدین صدیقی نےسابق اہلیہ اوراپنے بھائی کےخلاف ہتک عزت پر 100 کروڑ بھارتی روپے ہرجانےکا دعویٰ دائرکردیا۔

بھارتی میڈیا کی رپورٹس کےمطابق بجرنگی بھائی جان اورگینگ آف وسیپورسے شہرت کی بلندیوں پرپہنچنےوالی نوازالدین صدیقی نےاپنی سابقہ اہلیہ عالیہ پانڈے اورشمس الدین پرجھوٹے الزامات کےذریعے ہراساں کرنے اورساکھ کو نقصان پہنچانے پردعویٰ دائرکیا ہے۔

عدالت میں داخل کروائی گئی درخواست میں استدعا کی گئی ہے کہ سابقہ اہلیہ اور بھائی کوپابند کیا جائےکہ وہ انکےخلاف سوشل میڈیا پرکوئی بےبنیاد الزامات نہ لگائیں بلکہ جو ویڈیوزاَپ لوڈ کی گئیں ہیں انہیں ہٹایا جائے اورتحریری معافی مانگیں۔

نوازالدین صدیقی نے اپنی درخواست میں بھائی پر مالیاتی فراڈ اور دھوکہ دہی کے الزامات عائد کرتے ہوئے یہ بھی استدعا کی کہ بھائی کی جانب سے اہلیہ کے ساتھ مل کر فراڈ کے ذریعے ہتھیائے گئے 21 کروڑ روپے بھی واپس دلوائے جائیں۔

انہوں نے دعویٰ کیا کہ بھائی اور سابق اہلیہ کی جانب سے جھوٹے الزامات لگانے باعث ان کا 100 کروڑ سے زائد کا نقصان ہوا ہے جس کا ازالہ کیا جائے۔