پینٹاگون کی انتہائی حساس امریکی دستاویزات منظر عام پر آگئیں

امریکی محکمہ دفاع پینٹاگون نے انتہائی حساس امریکی دستاویزات کا افشا ہونا قومی سلامتی کے لیے انتہائی سنگین خطرہ قرار دے دیا۔

گزشتہ دنوں امریکا اور نیٹو کا خفیہ منصوبہ سماجی رابطوں کی ویب سائٹ پر جاری کیا گیا۔امریکی منصوبے میں روس پر حملے کے لیے یوکرین کو مسلح کرنے سے متعلق معلومات شامل تھیں، جنگی منصوبے میں یوکرینیوں کی غیرمعمولی اموات کا ذکر کیا گیا۔

رپورٹس کے مطابق ان دستاویزات  میں دعویٰ کیاگیا کہ جنگ میں اب تک 71 ہزار 500  یوکرینی فوجی ہلاک ہوچکے ہیں جبکہ جنگ میں 16ہزار سے17ہزار روسی فوجی ہلاک ہوئے ۔خفیہ دستاویزات میں دعویٰ کیا گیا کہ یوکرین کی 12 میں سے 9 بریگیڈ امریکا نے مسلح کیں۔

The Biden administration is scrambling to assess and contain the fallout from a major leak of classified Pentagon documents that has rattled US officials, members of Congress and key allies in recent days. https://t.co/oDhns1ltVQ

— CNN (@CNN) April 10, 2023

انتہائی حساس امریکی دستاویزات سامنے آنے پر ترجمان پینٹاگون کرس میگر نے کہا ہے کہ دستاویزات میں موجود معلومات سے لوگوں کی جانیں جاسکتی ہیں،ڈیفنس سیکرٹری لائیڈ آسٹن کو ان دستاویزات سے متعلق 6 اپریل کو بریف کیا گیا۔

ترجمان پینٹاگون کا کہنا ہے کہ پینٹاگون کی ٹیم پرکھ رہی ہے کہ دستاویزات اصل ہیں یا نہیں جبکہ محکمہ انصاف دیکھ رہا ہے کہ دستاویزات لیک کیسے ہو گئیں.