ارجن رام پال بھی کورونا وائرس کا شکارہوگئے

تفصیلات کے مطابق بالی وڈاداکار ارجن رام پال نے اپنے کورونا وائرس کا شکار ہونے سے متعلق مداحوں کو انسٹاگرام کے ذریعے آگاہ کیا۔ارجن نے اپنی پوسٹ میں لکھا کہ میرا کورونا ٹیسٹ مثبت آیا ہے، حتیٰ کہ مجھ میں کوئی علامات نہیں ہیں، میں نے خود کو آئسولیٹ کر لیا ہے، میں گھر میں قرنطینہ میں ہوں اور طبی نگہداشت حاصل کر رہا ہوں اور تمام احتیاطی تدابیر پر عمل کر رہا ہوں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Arjun (@rampal72)

اداکار نے اپنی پوسٹ میں اپنے دوست احباب کے لیے لکھا کہ وہ تمام افراد جو پچھلے 10 دن مجھ سے رابطے میں رہے وہ بھی اپنا ٹیسٹ کروا لیں۔  برائے مہربانی اپنا خیال رکھیں اور ضروری احتیاطی تدابیر اختیار کریں۔ارجن رام  پال نے مزید لکھا کہ یہ ہمار ے لیے بہت مشکل وقت ہے لیکن اگر ہم کچھ وقت کے لیے باخبر اور عقلمند ہوجائیں تو اس سے طویل عرصے تک فوائد حاصل ہوں گے، ہم کورونا کا مقابلہ کر سکتے ہیں اور کریں گے۔

یاد رہے کہ اس سے قبل بھی بھارتی فلم انڈسٹری کی متعدد شخصیات کا کورونا ٹیسٹ مثبت آچکا ہے ۔ کورونا میں مبتلا ہونے والی بالی وڈ شخصیات میں میگا اسٹار امیتابھ بچن، ان کے بیٹے ابھیشیک بچن، بہو ایشوریا رائے،  عامر خان ، اکشے کمار ، رنبیر کپور ، ملائیکا اروڑا، ارجن کپور، اداکارہ سارا خان، سنی دیول، ورون دھون، نیتو کپور ،  کریتی سنن ، سنجے لیلا بھنسالی  سمیت دیگر شخصیات شامل ہیں۔