عدلیہ کو آئینی فیصلوں پر عمل کروانا بخوبی آتا ہے،شیخ رشید

اب انتخابات ہوں گے یا توہین عدالت کا فیصلہ آئے گا،سربراہ عوامی مسلم لیگ

عوامی مسلم لیگ کے سربراہ و سابق وفاقی وزیر داخلہ شیخ رشید احمد نے کہا ہے کہ عدلیہ کو آئینی فیصلوں کا احترام کروانا ہے اور ان کو یہ کام بخوبی آتا ہے اب انتخابات ہوں گے یا توہین عدالت کا فیصلہ آئے گا، پوری قوم کی نظریں سپریم کورٹ پر لگی ہیں۔

اپنے ٹویٹ میں شیخ رشید احمد کا کہنا تھا کہ کل حکومتی اتحادیوں کی میٹنگ ٹوٹ پھوٹ کا شکار تھی، پی ڈی ایم میں واضح پھوٹ پڑ چکی ہے، پی پی پی، ایم کیو ایم اوربی اے پی اپنے فیصلے پر پچھتا رہی ہیں، اکثریتی پارٹیاں عوام کے دلوں سے اتر گئی ہیں۔

اپوزیشن کوعوام میں اپنی مقبولیت کااندازہ ہےاس لیےعدلیہ کوآنکھیں دکھارہی ہےایک سال گزرگیا IMFسےمعاہدہ مکمل نہ ہوسکاسماجی سیاسی اقتصادی اورعدالتی بحران اپنےفائنل راونڈپرہےعوام غربت اور مہنگائی کی چکی میں پس رہےہیں حکومت اقتدار بچانےکےچکرمیں عوام اور دنیادونوں سےتنہااور دور ہوگئی ہے
— Sheikh Rashid Ahmed (@ShkhRasheed) April 19, 2023

انہوں نے کہا عدالت کی حکم عدولی ہوچکی ہے، اب الیکشن ہوں گے یا توہین عدالت کا فیصلہ آئے گا، ایک دو روز میں سزا کی سمت کا تعین ہوجائے گا، پوری قوم کی نظریں سپریم کورٹ پر لگی ہوئی ہیں، بالآخرعدلیہ کو آئینی فیصلوں کا احترام کروانا ہے اور ان کو یہ کام بخوبی آتا ہے، الیکشن نہیں کرانے تو نگران حکومت نے گھر جانا ہے ترقیاں تبادلے نہیں کرنے ۔

اب الیکشن ہوں گےیا توہین عدالت کافیصلہ آئےگاپوری قوم کی نظریں سپریم کورٹ پرلگی ہوئی ہیں۔بلآخر عدلیہ کوآئینی فیصلوں کا احترام کروانا ہےاور ان کو یہ کام بخوبی آتاہےقومی اسمبلی تحلیل ہوگی توپھر ہی ایک دن میں الیکشن ہوں گےحکومت تاریخ دےکس دن اسمبلی تحلیل کرنی اورجنرل الیکشن کروانےہیں
— Sheikh Rashid Ahmed (@ShkhRasheed) April 19, 2023

شیخ رشید نے کہا قومی اسمبلی تحلیل ہوگی تو پھر ہی ایک دن میں الیکشن ہوں گے، حکومت تاریخ دے کس دن اسمبلی تحلیل کرنی اور جنرل الیکشن کروانے ہیں، حکومت اقتدار بچانے کے چکر میں عوام اور دنیا دونوں سے تنہا اور دور ہوگئی ہے۔

ان کا مزید کہنا تھا کہ حکومت کوعوام میں اپنی مقبولیت کا اندازہ ہے اس لیےعدلیہ کوآنکھیں دکھارہی ہے، ایک سال گزر گیا آئی ایم ایف سے معاہدہ مکمل نہیں ہوسکا، سماجی،سیاسی،اقتصادی اور عدالتی بحران اپنے فائنل راؤنڈ پر ہے، عوام غربت اور مہنگائی کی چکی میں پس رہے ہیں۔