کار ڈیلرز گاڑیوں کی قیمتوں میں کمی کااعلان کریں، ورنہ قانونی کاروائی ہوگی: وزیر تجارت

وفاقی وزیر تجارت سید نوید قمر کا کہنا تھا کہ درآمدی گاڑیوں کی قیمتیں کم نہ کی گئیں تو کارروائی کی جائے گی.

لگژری اشیا پر اضافی ریگولیٹری ڈیوٹی 31 مارچ کو ختم  کر دی گئی تھی۔

انہوں نے بات کرتے ہوئے کہا ہے کہ بجٹ سے قبل آئی ایم ایف کے ساتھ عملے کی سطح کے معاہدے کو حتمی شکل دی جائے گی۔

اسٹاف کی سطح کے معاہدے کے بعد لیٹر آف کریڈٹ کھولنے پر پابندیاں ہٹا دی جائیں گی۔

وزیر تجارت کا کہنا تھا کہ ایل سیز کے دوبارہ کھلنے سے برآمدی صنعتوں کیلئےخام مال آسانی سے دستیاب ہوگا۔