عمران خان کے گھر کے تلاشی ، پولیس نے سرچ وارنٹ حاصل کر لئے ہیں

پولیس نے تحریک انصاف کے چیئرمین عمران خان کے گھر کی سیکیورٹی سنبھال لی۔

سابق وزیراعظم عمران خان کے گھر کے مین گیٹ کے انٹری پوائیٹ پر بھی پولیس تعینات ہوگئی۔

گھر کے اندرونی اور بیرونی حصوں میں سرچنگ کی جائے گی۔ تلاشی کیلئے ایس پی سمیت دیگر افسران کے علاوہ خواتین اہلکار بھی ساتھ ہوں گی۔

دہشت گردوں کی تلاشی کیلئے جانیوالی ٹیم کی سربراہی کمشنر لاہور ڈویژن کریں گے، پولیس کی سرچ ٹیم آج عمران خان کے گھر کی تلاشی لیں گے۔

پنجاب حکومت نے عمران خان کے گھر 400 پولیس اہلکار بھجوانے کا اعلان کر رکھا ہے۔

نگران وزیر اطلاعات عامر میر کے مطابق 40 دہشت گرد عمران خان کے گھر چھپے ہوئے ہیں، ایک دہشت گرد کو پکڑنے کیلئے 4 پولیس اہلکاروں کو بھیجا جائے گا۔

تلاشی کی نگرانی کیلئے خصوصی کیمروں کا بھی انتظام کیا گیا ہے۔