وفاقی وزیر حماد اظہر کا کورونا ٹیسٹ مثبت آگیا

تفصیلات کے مطابق وفاقی وزیر صنعت وپیداوار حماد اظہر بھی کورونا وائرس کا شکار ہوگئے۔وفاقی وزیر نے خود کو گھر میں قرنطینہ کرلیا۔سماجی رابطے کی ویب سائٹ ٹوئٹر پر ایک ٹویٹ میں  وفاقی وزیر صنعت و پیداوار حماد اظہر  نے کہا کہ  میرا کورونا ٹیسٹ پازیٹو آ گیا، خود کو گھر پر قرنطینہ کر رہا ہوں،عوام سے دعاؤں کی اپیل ہے۔

I have tested positive for Covid-19 and self isolating at home. Requesting everyone for prayers. JazakAllah Khair.

— Hammad Azhar (@Hammad_Azhar) February 1, 2021

اس سے قبل  بہت سی سیاسی شخصیات  کورونا وائرس کا شکار ہوچکی ہیں ۔جن میں وزیر اعلی پنجاب عثمان بزدار اور سربراہ این سی او سی  و وفاقی وزیر اسد عمر بھی شامل ہیں  ۔

نیشنل کمانڈ اینڈ کنٹرول سینٹر (این سی او سی ) کی جانب سے آج جاری تازہ اعدادو شمار کے مطابق 24 گھنٹو ں کے دوران ایک ہزار 615نئے کیس بھی سامنے آگئے۔متاثرہ افراد کی تعداد 5لاکھ 46 ہزار 428تک جاپہنچی۔ ملک بھرمیں کورونا کے ایکٹو کیسز کی تعداد 33ہزار 493ہوگئی۔ ملک میں کورونا سے5لاکھ 1 ہزار252افراد صحتیاب ہو چکے ہیں اور زیر علاج مریضوں کی تعداد 33 ہزار 493 ہے۔

اعدادو شمار کے مطابق اسلام آباد میں کورونا کیسزکی تعداد 41 ہزار418، خیبرپختونخوا میں 67 ہزار214، سندھ 2 لاکھ 47 ہزار249، پنجاب میں ایک لاکھ 57 ہزار796، بلوچستان18 ہزار823، آزاد کشمیر 9ہزار19 اور گلگت بلتستان میں 4 ہزار 909 افراد کورونا سے متاثر ہوچکے ہیں۔

کورونا کے سبب سب سے زیادہ اموات پنجاب میں ہوئی ہیں جہاں 4 ہزار747 افراد جان کی بازی ہار چکے ہیں جبکہ سندھ میں 3 ہزار996، خیبر پختونخوا ایک ہزار906، اسلام آباد 475، گلگت بلتستان میں 102، بلوچستان میں 195 اور آزاد کشمیر میں 262 افراد جان کی بازی ہار چکے ہیں۔

گزشتہ24گھنٹوں میں1278افرادکوروناوائرس کوشکست دےچکے،تاہم اب تک5لاکھ ایک ہزار252مریض کوروناکوشکست دےچکے،ملک بھرمیں گزشتہ24گھنٹوں  میں34ہزار785ٹیسٹ کئےگئے، ملک بھرمیں اب تک79لاکھ66ہزار981ٹیسٹ ہوچکےہیں۔