پی ٹی آئی کا ملک بھر میں آرٹیکل 245 کا نفاذ سپریم کورٹ میں چیلنج

پاکستان تحریک انصاف نے ملک بھر میں آرٹیکل 245 کے تحت فوج طلب کرنے کا اقدام سپریم کورٹ میں چیلنج کردیا۔ اسلام آباد ،پنجاب، خیبرپختونخواہ اور بلوچستان میں فوج کو طلب کرنے کا حکومتی اقدام چیلنج کیا گیا۔

پی ٹی آئی کے رہنماء اسد عمر نے بیرسٹر گوہر کے توسط سے سپریم کورٹ میں درخواست دائر کردی۔ درخواست میں کہا گیا ہے کہ چیئرمین پی ٹی آئی کی غیرقانونی گرفتاری کے بعد ملک بھر میں مظاہرے ہوئے۔ پٹیشنر ایک سیاسی جماعت ہے اور سیاسی جماعت کو پر امن احتجاج کرنے کا حق حاصل ہے۔

Pakistan Tehreek e Insaf has filed a Petition in the Supreme Court, regarding pursuant to the calling of the Armed Forces of Pakistan by the Federal Government to act in aid of civil
power under Article 245 of the Constitution in the Islamabad Capital Territory, as well as the… pic.twitter.com/iFtJO4qoY9

— Dr. Iftikhar Durrani (@IftikharDurani) May 22, 2023

درخواست میں موقف اختیار کیا گیا ہے کہ پر امن احتجاج کو سوچی سمجھی سازش کے تحت پر تشدد مظاہروں میں بدلا گیا۔آرٹیکل 245 کا استعمال سیاسی مقاصد کے لیے نہیں کیا جاسکتا، فوجی عدالتوں میں ٹرائل بنیادی حقوق کے خلاف ہے، آئین ہر شہری کو شفاف اور منصفانہ ٹرائل کا حق دیتا ہے، کبھی ہزاروں کارکنوں اور لیڈرز کا فوجی عدالت میں ٹرائل نہیں ہوا۔

درخواست میں استدعا کی گئی کہ عدالت آرٹیکل 245 کا نفاذ اور اس کے تحت ہونے والا کریک ڈاؤن کالعدم قرار دے۔