ملک میں کورونا وائرس کے7کیس رپورٹ ،مثبت کیسز کی شرح 0.45فیصد رہی

اسلام آباد: قومی ادارہ صحت(این آئی ایچ) نے کہا ہے کہ ملک بھر میں 24 گھنٹوں کے دوران کورونا وائرس کے7کیس رپورٹ ہوئے اور6مریضوں کی حالت تشویش ناک ہے۔

جمعرات کو این آئی ایچ کے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار 909 ٹیسٹ کیے گئے جن میں سے7 افراد کے ٹیسٹ مثبت آئے، اس طرح مثبت کیسز کی شرح0.45 فیصد رہی اور اس دوران کورونا وائرس سے کوئی مریض جاں بحق نہیں ہوا، تاہم 6 مریضوں کی حالت تشویشناک ہے۔

اسلام آباد میں گزشتہ 24 گھنٹوں کے دوران457 ٹیسٹ کئے گئے جن میں سے 2 کا نتیجہ مثبت آیا، مثبت کیسزکی شرح 0.44فیصد رہی ۔