ملک بھر میں 24 گھنٹوں کے دوران کورونا وائرس کے13کیس رپورٹ

اسلام آباد: ملک بھر میں 24 گھنٹوں کے دوران کورونا وائرس کے13کیس رپورٹ ہوئے اور7 مریضوں کی حالت تشویش ناک ہے۔

بدھ کوقومی ادارہ صحت(این آئی ایچ)کے جاری اعدادوشمار کے مطابق ملک بھر میں گزشتہ 24 گھنٹوں کے دوران کورونا وائرس کے 2 ہزار153ٹیسٹ کیے گئے جن میں سے13افراد کے ٹیسٹ مثبت آئے، اس طرح مثبت کیسز کی شرح0.60فیصد رہی اور اس دوران کوئی مریض جاں بحق نہیں ہوا ،تاہم7مریضوں کی حالت تشویشناک ہے ۔

اسلام آباد میں گزشتہ24 گھنٹوں کے دوران 374 ٹیسٹ کئے گئے جن میں سےایک ٹیسٹ مثبت آیا ، مثبت کیسز کی شرح 0.27 فیصد رہی۔گلگت میں گزشتہ24 گھنٹوں کے دوران188ٹیسٹ کئے گئے جن میں سے2 ٹیسٹ مثبت آئے ، مثبت کیسز کی شرح 1.06 فیصد رہی ۔