وزیراعظم کی موجودگی میں آج کورونا ویکسین لگانے کی مہم کا آغازہوگا : اسدعمر

تفصیلات کے مطابق سماجی را بطے کی ویب سائٹ ٹو ئٹر پر  پیغام میں وفاقی وزیرمنصوبہ بندی اسد عمر نے لکھا کہ انشاءاللہ کل تمام صوبائی دارالحکومت میں قومی کورونا ویکسی نیشن مہم شروع ہو جائے گی، ان کاکہنا تھا کہ  سب سے پہلے ویکسین فرنٹ لائن ہیلتھ ورکرز کو لگائی جائے گی۔

آج وزیراعظم کی موجودگی میں کرونا ویکسین لگانے کی مہم کا آغاز ہو گا اور انشاءاللہ کل تمام صوبائی دارالحکومت میں قومی کرونا ویکسینیشن مہم شروع ہو جائے گی. سب سے پہلے ویکسین فرنٹ لائن ہیلتھ ورکرز کو لگائ جائے گی

— Asad Umar (@Asad_Umar) February 2, 2021

خیال رہے کہ  چین سے آنے والی ویکسین    آج شام تک صوبوں کو پہنچا دی جائے گی جس کے بعد   کل سے قومی کورونا ویکسی نیشن مہم کا آغاز ہو گا۔

معاون خصوصی   ڈاکٹر فیصل سلطان نے گزشتہ روز  سماجی رابطے   کی ویب سائٹ ٹوئٹر پر   پیغام میں بتایا  تھا کہ سائنوفارم کی پہلی کھیپ پاکستان پہنچ گئی  ہے اور  پہلی کھیپ میں کورونا ویکسین کی 5 لاکھ خوراکیں پاکستان لائی گئی ہیں ۔ ڈاکٹر فیصل سلطان نے ڈاکٹرز اور فرنٹ لائن ہیلتھ ورکرز کو خراج تحسین پیش کیا ، ان کا کہنا تھا اگرچہ  کورونا کی دوسری لہر میں کمی آنا شروع ہوگئی ہے، اس کے باوجود احتیاط ضروری ہے۔ این سی او سی اور صوبوں نے کورونا سے نمٹنے میں اہم کردار ادا کیا۔

دوسری جانب پاکستان    نے ابتدائی طور پر چینی کمپنی سائنوفارم سے ویکسین کی 12لاکھ خوراکیں  خریدی ہیں جو79 فیصد موثر ہے۔نیشنل کمانڈ اینڈ آپریشن سینٹر کے اجلاس میں بتایا گیا کہ اسلام آباد سے کورونا ویکسین صوبوں تک پہنچائی جائے گی۔این سی او سی نے ویکسین سٹریٹجی پلان کو تمام صوبوں اورسٹیک ہولڈرز کے ساتھ مشاورت کے بعد مرتب کیا ہے۔