عمران خان نے ٹیلی فونک گفتگو میں قوم کو اپنا ویژن پہنچایا: شبلی فراز

سماجی رابطوں کی ویب سائٹ ٹوئٹر پر پیغام میں وفاقی وزیر شبلی فراز نے کہاہے کہ‏وزیراعظم عمران خان کی عوام سے گفتگو کا مقصد انکے مسائل کی نشاندہی اورممکنہ حل ہے۔ انہوں نے قوم کو اپنا ویژن پہنچایا۔ وفاقی وزیر کا کہنا تھا کہ اس طریقہ کار سے عوام کو براہ راست سوال کرنے اور حکومت کو عوامی تجاویز سے استفادہ کا موقع ملتا ہے۔ یہ جمہوریت کا بنیادی جزو ہے۔

واضح رہے کہ وزیر اعظم عمران خان نے عوام کیساتھ ٹیلیفونک بات چیت کی جس میں انہوں نے کہا کہ لوگ سمجھ رہے تھے آج پی ٹی آئی حکومت آئی ہے اورملک ٹھیک ہوجائے گا، اس طرح سےملک ٹھیک کرناصرف پریوں کی کہانی میں ہوسکتا ہے لیکن  پرانے سسٹم کوٹھیک کرنے میں وقت لگتا ہے، 1993 میں آئی جی نےعدالت میں رپورٹ دی کہ 25 ہزار لوگ بغیرمیرٹ کےبھرتی کیے گئے، مجرموں کوپنجاب پولیس میں بھرتی کیا گیا تھا، سسٹم کوٹھیک کریں گے، تمام اداروں کوباری باری ٹھیک کریں گے۔

انہوں نے کہا کہ ہمارےخلاف فارن فنڈنگ کاکیس کرکےانہوں نےخودکوعذاب میں ڈال دیا، میں توآج بھی نمل اورشوکت خانم کیلئےفنڈز اکٹھاکرتاہوں، پی ٹی آئی واحدجماعت ہےجنہوں نےسیاسی فنڈریزنگ کی، سب سےزیادہ فنڈزاوورسیزپاکستانیوں نےدیئے،جنہوں نےہمیں فنڈکیاہے،40ہزارڈونرزکےنام موجودہیں، یہ لوگ 100ڈونرزکےنام بھی نہیں بتاسکتے۔وزیر اعظم عمران خان نے کہا کہ کیافضل الرحمان بتاسکتےہیں کہ ان کولیبیانےپیسےنہیں دیئے، کیانوازشریف بتاسکتےہیں کہ انہوں نےاسامہ بن لادن سےپیسےنہیں لیےتھے، کیافضل الرحمان بتاسکتےہیں وہ اپنی پارٹی کس طرح چلاتےہیں۔