نامعلوم افراد کی پولیو ٹیم پر فائرنگ ،سیکیورٹی پر مامور پولیس اہلکار جاں بحق

کوئٹہ میں  پولیو مہم  کے دوران  نواحی علاقے کلی شاہ عالم زرغون آباد میں نامعلوم افراد  نے اندھا دھند فائرنگ شروع کردی۔

 فائرنگ کے نتیجے میں پولیو ٹیم کی سیکیورٹی پر مامور 2 پولیس اہلکار موقع پر ہی جاں بحق ہوگئے۔

وزیراعلی بلوچستان نے واقعہ کا نوٹس لیتے ہوئے آئی جی سے رپورٹ طلب کرلی جبکہ سانحے کی پرزور مذمت بھی کی۔

فائرنگ کرنے کے بعد ملزمان فوری طور پر فرار ہوگئے ، واقعہ کی اطلاع ملتے ہی پولیس اور ایف سی  کی بھاری نفری جائے وقوعہ پر پہنچ گئی جبکہ امدادی ٹیمیں بھی جائے وقوعہ پر موجود تھیں لاشوں کو فوری طور پر قریبی اسپتال منتقل کردیا گیا۔

انسداد پولیو ٹیم پر حملے کے بعد شہر میں بچوں کو پولیو کے قطرے پلانے والی ٹیموں کی سیکیورٹی بھی بڑھا دی گئی فل پروف سیکیورٹی کو سخت کرکے ٹیموں کو تحفظ فراہم کردیا گیا جبکہ ملزمان کی تلاش تا حال جاری ہے۔

کوئٹہ کے علاقہ زرغون آباد میں پولیو ٹیم پر فائرنگ#GNN #NewsUpdates #BreakingNews #GNN_Updates pic.twitter.com/QKPWXwgtnv

— GNN (@gnnhdofficial) August 1, 2023