بھارت نے ویسٹ انڈیز کو 200 رنز سے ہرا کر سیریز 1-2 سے جیت لی

ٹرینیڈاڈ: بھارت نے تیسرے اور فیصلہ کن ون ڈے میچ میں ویسٹ انڈیز بڑے مارجن 200 رنز سے ہرا کر تین میچوں کی سیریز 1-2 سے اپنے نام کرلی۔

شبمن گل نے 85، ایشان کشن نے 77، کپتان ہاردک پانڈیا نے ناقابل شکست 70 اور سیمسن نے 51 رنز بناکر اپنی ٹیم کی فتح میں اہم کردار ادا کیا۔ بھارتی ٹیم کی طرف سے ملنے والے 352 رنز کے پہاڑ جیسے ہدف کے جواب میں میزبان ویسٹ انڈین ٹیم 151 رنز پر ڈھیر ہوگئی۔

شبمن گل عمدہ بیٹنگ پر میچ جبکہ ایشان کشن سیریز کے بہترین کھلاڑی قرار پائے۔برائن لارا اسٹیڈیم، تاروبا، ٹرینیڈاڈ میں کھیلے گئے تین میچوں کی سیریز کے تیسرے اور فیصلہ کن ون ڈے میچ میں بھارتی ٹیم نے پہلے بیٹنگ کرتے ہوئے مقررہ 50 اوورز میں 5 وکٹوں پر 351 رنز بناکر میزبان ٹیم کو میچ میں کامیابی کے لئے 352 رنز کا ہدف دیا۔

شبمن گل نے 85، ایشان کشن نے 77، کپتان ہاردک پانڈیا نے ناقابل شکست 70 اور سیمسن نے 51 رنز بنائے۔ویسٹ انڈین روماریو شیفرڈ نے دو جبکہ الزاری جوزف ،گڈاکیش موتی اور یانک کیریہ نے ایک ایک وکٹ حاصل کی۔بھارتی بائولرز کی عمدہ بائولنگ کے باعث میزبان ٹیم مطلوبہ ہدف حاصل کرنے میں ناکام رہی اور پوری ٹیم 35.3 اوورز میں 151رنز پر ڈھیر ہوگئی۔

گڈاکیش موتی نے 39 رنز ناٹ آئوٹ بنائے اور ایلک ایتھنیز نے 32 رنز بنائے۔ یوں بھارت نے میزبان ٹیم کو نہ صرف بڑے مارجن 200 رنز سے شکست دے دی بلکہ تین میچوں کی سیریز بھی 1-2 سے جیت لی۔ بھارتی کی طرف سے شاردول ٹھاکرنے چار، مکیش کمار نے تین جبکہ کلدیپ یادو نے دو کھلاڑیوں کو آئوٹ کیا۔ شبمن گل عمدہ بیٹنگ پر میچ جبکہ ایشان کشن سیریز کے بہترین کھلاڑی قرار پائے۔