بھارتی ریاستی انتخابات میں مودی سرکار کو منہ کی کھانی پڑ گئی

تفصیلات کے مطابق بھارتی ریاستی انتخابات میں مودی سرکار کو منہ کی کھانی پڑ گئی،  اسمبلی انتخابات کے غیر حتمی نتائج آگئے ، بی جے پی کو پانچ میں سے صرف دو ریاستوں میں ہی برتری مل سکی۔

غیر ملکی خبر رساں ادارے کے مطابق  بھارتی ریاست مغربی بنگال کے اسمبلی انتخابات میں بی جے پی کو شکست ہوگئی، مغربی بنگال سے ممتا بینرجی  کی ٹی ایم سی جماعت  جیت گئی۔ ممتا بینرجی نے کورونا وائرس کے سبب اپنے حامیوں کو جشن منانے سے منع کردیا۔

بھارتی ریاست کیرالا سے بی جے پی کو ایک نشست بھی نہ ملی جبکہ  بھارتی ریاست تامل ناڈومیں ڈی ایم کے جیت گئی۔

بی جے پی سے تعلق رکھنے والے بھارتی  وزیرِ دفاع راج ناتھ سنگھ نے بھی ممتا بینرجی کو اُن کی کامیابی پر مبارک باد دی ہے۔

سماجی رابطے کی ویب سائٹ ٹوئٹر پر انہوں نے کہا کہ  وہ مغربی بنگال میں ممتا بینرجی کی جماعت کی کامیابی پر اُنھیں مبارک باد دیتے ہیں، ساتھ ہی ساتھ اُن کے اگلے دور کے لیے نیک تمنّاؤں کا بھی اظہار کیا۔

Congratulations to the Chief Minister of West Bengal, @MamataOfficial Didi on her party’s victory in West Bengal assembly elections. My best wishes to her for her next tenure.

— Rajnath Singh (@rajnathsingh) May 2, 2021

دوسری جانب  مغربی بنگال میں مودی سرکار کی ہار کے بعد کچھ علاقوں میں صورتحال کشیدہ ہو گئی ہے۔ آرام باغ میں بی جے پی کے دفتر کو آگ لگادی گئی، بی جے پی نے واقعے کا ذمہ دار ممتا بینرجی کی جماعت کو قراردیدیا۔