فردوس عاشق اعوان کا اسسٹنٹ کمشنر پر برہمی کا معاملہ ، وزیراعلیٰ نے طلب کر لیا

تفصیلات کے مطابق گزشتہ روز    وزیراعلیٰ پنجاب عثمان بزدار کی معاون خصوصی برائے اطلاعات ونشریات ڈاکٹر فردوس عاشق اعوان نے سیالکوٹ میں بازار کا دورہ کیا تھا جہاں  اسسٹنٹ کمشنر سیالکوٹ سونیا صدف کو بازار میں سب کے سامنے فردوس عاشق اعوان کی جانب سے سخت الفاظ کا نشانہ بنایا گیا ۔اس تمام واقعے کی رپورٹ وزیر اعلی عثمان بزدار کو پیش کی گئی جس پر وزیراعلیٰ نے معاون خصوصی برائے اطلاعات ونشریات ڈاکٹر فردوس عاشق اعوان کو ایوان وزیراعلیٰ طلب کر لیا ہے۔

Exchange of hot words between Firdous Ashiq Awan and a civil servant (I was told she is Assistant Commissioner Sialkot).

Publicly scolding civil servants can get you brownie points but will take a toll on the morale of those who have to execute your policies. pic.twitter.com/Cjavt5tio2

— Hasaan Khawar (@hasaankhawar) May 2, 2021

یاد رہے گزشتہ روز فردوس عاشق اعوان نے  اسسٹنٹ کمشنر سیالکوٹ سونیا صدف  کو بازار میں سب کے سامنے ڈانٹتے ہوئے کہا تھا کہ افسر شاہی کی کارستانیاں حکومت بھگت رہی ہے، آپ اے سی ہیں تو عوام کا سامنا کریں چھپ کیوں رہی ہیں؟۔ ان کا  کہنا تھاکہ ہر شہر کے رمضان بازار کا دورہ کیا مگر سب سے برا حال سیالکوٹ کا ہے، آپ کی حرکتیں ہی اسسٹنٹ کمشنر والی نہیں۔

ڈانٹ ڈپٹ کے دوران اسسٹنٹ کمشنر سونیا صدف غصے سے پنڈال سے باہر چلی  گئیں تھی۔

اسسٹنٹ کمشنر سیالکوٹ سونیا صدف کا کہنا تھا کہ   فردوس عاشق اعوان کا رویہ نامناسب تھا،  گرمی کی وجہ سے پھل خراب بھی ہو سکتا ہے،  فردوس عاشق آرام سے بھی بات کر سکتی تھیں۔

اس واقعے کی ویڈیو بھی سوشل میڈیا پر وائرل ہونے کے بعد  صارفین کی جانب سے ملے جلے ردعمل کا اظہار کیا جارہا ہے۔