کورونا آئی پی ایل تک جا پہنچا ، میچ منسوخ

آسٹریلوی میڈیا نے رپورٹ کیاہے کہ کولکتہ نائٹ رائیڈر کا حصہ پیٹ کمننز کے ساتھ اسٹاف کے دوسرے لوگ کورونا کیسز سے متاثر ہوئےہیں۔ جن کو فوری طورپر آئسولیٹ کردیا گیاہے۔کرکٹ کے معاملات پر نظر رکھنے والی ویب سائٹ 'کرک بز'  کی رپورٹ کے مطابق بھارتی کرکٹ بورڈ 3 مئی کو ہونے والا کلکتہ نائٹ رائڈرز اور رائل چیلنجر بنگلور کا میچ ری شیڈول کرنے کی منصوبہ بندی کر رہا ہے۔

کرک بز کی رپورٹ میں بھارتی حکام کی جانب سے میچ کی منسوخی کی کوئی وجہ نہیں بتائی گئی ہے تاہم یہ معلوم ہوا ہے کہ کلکتہ نائٹ رائڈرز کی ٹیم کے کھلاڑیوں کے کورونا ٹیسٹ مثبت آنے کے باعث یہ میچ منسوخ ہوا۔

جن کھلاڑیوں کے کورونا ٹیسٹ مثبت آئے ہیں ان میں ورن چکرورتی اور سندیپ واریرز شامل ہیں اور دونوں کھلاڑیوں کو اس وقت کورونا ہوا جب وہ انجری کے باعث میڈیکل چیک اپ کے لیے باہر گئے تھے۔

پاکستان کے سینئر اسپورٹس جرنلسٹ ماجد بھٹی نے بھی سوشل میڈیا پر اپنے پیغام میں کلکتہ نائٹ رائڈرز اور رائل چیلنجر بنگلور کے درمیان میچ کھلاڑیوں کے کورونا ٹیسٹ مثبت آنے کے باعث مسنوخ ہونے کی تصدیق کی ہے۔