پاکستان ہاکی فیڈریشن کے زیراہتمام دوسرا ماڑی پیٹرولیم آزادی ہاکی کپ (کل) شروع ہو گا

راولپنڈی: پاکستان ہاکی فیڈریشن ( پی ایچ ایف ) کے زیراہتمام دوسرا ماڑی پیٹرولیم آزادی ہاکی کپ کل(منگل )سے لیفٹینٹ جنرل ریٹائرڈ اشفاق ندیم ہاکی سٹیڈیم ، راولپنڈی میں شروع ہو گا۔

ٹورنامنٹ کے کامیاب انعقاد کے لیے تمام تر انتظامات مکمل کر لیے گئے ہیں ، میگا ایونٹ میں ڈیپارٹمنٹل ٹیمیں شرکت کریں گی جن میں ماڑی پیٹرولیم ، پاکستان واپڈا، پاکستان آرمی، پاکستان نیوی، پاکستان ایئر فورس، پولیس اور پنجاب رینجرز شامل ہیں، ٹورنامنٹ ایف آئی ایچ اور پی ایچ ایف کے قوانین کے تحت کھیلا جائے گا ،

پی ایچ ایف کے مطابق اولمپکس اور ورلڈ کپ گولڈ میڈلسٹ اولمپیئن ناصر علی کو ٹورنامنٹ کا ڈائریکٹر تعینات کیا گیا ہے۔ شجاع اقبال راجہ اور میجر ریٹائرڈ طارق احمد ٹورنامنٹ کے اسسٹنٹ ڈائریکٹر ہوں گے۔ ٹورنامنٹ 20 اگست تک جاری رہے گا۔