کراچی میں پولیس اوررینجرزکی مشترکہ کاروائی، 2 دہشتگرد گرفتار

کراچی: گڈاپ ٹاؤن کے علاقے میں پولیس اور رینجرز نے مشترکہ کارروائی کرکے کالعدم تنظیم داعش کے 2 انتہائی مطلوب دہشت گرد گرفتار کیے، گرفتار ملزمان کے قبضے سے  قبضے سے دستی بم اوراسلحہ برآمد ہوا۔ 

ملزمان کی شناخت فرحان اورداؤد کے نام سے ہوئی ہے، ملزم فرمان اللہ عرف احتشام باجوڑ اور کراچی کے اندر دہشت گردی کی متعدد کاروائیوں میں مطلوب تھا اور ملزم داؤد عرف امیر صاحب نے حال ہی میں تحریک طالبان چھوڑ کر داعش میں شمولیت اختیار کی تھی۔

ملزمان 2020 میں افغانستان فرار ہو گئے تھے اور کچھ عرصہ پہلے کراچی پہنچ کر روپوش ہوگئے تھے اور اپنا نیٹ ورک منظم کرنے کی کوشش کررہے تھے جس پر پولیس اور رینجزز نے مشترکہ کاروائی کرکے ان کے ارادے ناکام بنا دیے۔