اوگرا نےمئی کیلئے ایل این جی کی قیمتوں میں اضافہ کردیا

 تفصیلات کے مطابق آئل اینڈ گیس ریگولیٹری اتھارٹی (   اوگرا ) نے ماہ  مئی کیلئے درآمدی ایل این جی کی قیمتوں میں اضافے کا نوٹی فکیشن جاری کردیا ۔نوٹیفکیشن کے مطابق سوئی ناردرن سسٹم پر ایل این جی کی فی یونٹ قیمت میں 0.48 ڈالر اضافہ کیا گیا  ہےجبکہ سوئی سدرن سسٹم پر ایل این جی کی سیل پرائس میں  0.49 ڈالر کا اضافہ کیا گیا ہے۔نوٹیفکیشن کے مطابق سوئی ناردرن سسٹم پر ایل این جی کی نئی قیمت فروخت 10.25ڈالرفی یونٹ   اور سوئی سدرن سسٹم پر ایل این جی کی نئی قیمت 9.96ڈالرفی یونٹ مقرر کر دی گئی ہے۔

یاد رہے کہ گزشتہ ماہ(اپریل میں) ایل این جی کی قیمت 9.969ڈالر فی یونٹ تھی جبکہ سوئی سدرن سسٹم پر اپریل میں ایل این جی کی قیمت 9.477 ڈالر فی ایم ایم بی ٹی یو تھی۔

واضح رہے کہ آئل اینڈ گیس ریگولیٹری اتھارٹی نے مارچ کے لیے درآمدی ایل این جی کی قیمت میں کمی کی  تھی۔  سوئی ناردرن سسٹم کے لیے ایل این جی کی فی یونٹ قیمت میں 0.02 ڈالر کمی کی گئی، جب کہ سوئی سدرن سسٹم پر ایل این جی کی قیمت میں 0.04 ڈالر فی یونٹ کمی کی گئی تھی۔