دریائے ستلج سمیت پ تمام دریا معمول کے مطابق بہہ رہے ہیں،پی ڈی آیم اے

دریائے ستلج سمیت پنجاب کے تمام دریا معمول کے مطابق بہہ رہے ہیں۔

 ترجمان پراونشل ڈیزاسٹر مینجمنٹ اتھارٹی پنجاب (پی ڈی ایم اے) نے بتایا کہ پنجاب کے تمام دریا معمول کے مطابق بہہ رہے ہیں ، دریائے سندھ میں تربیلا اور چشمہ کے مقامات پر پانی کی سطح میں اضافہ ریکارڈ کیا گیا ہے۔

تربیلا کے مقام پر پانی کی آمد 1 لاکھ 14 ہزار اور اخراج 86 ہزار کیوسک ہے جبکہ چشمہ کے مقام پر پانی کی آمد 1 لاکھ 67 ہزار اور اخراج 1 لاکھ 49 ہزار کیوسک ہے، دریائے جہلم، راوی، چناب اور ستلج میں پانی کا بہائو نارمل ہے۔

ترجمان پی ڈی ایم اے کا مزید کہنا تھا کہ دریائے ستلج کے سیلاب سے متاثرہ علاقوں میں بحالی کے اقدامات جاری ہیں، متاثرہ علاقوں میں شہریوں کو کھانا، پینے کا صاف پانی، ادویات اور دیگر سہولتیں فراہم کی جا رہی ہیں، سیلاب سے متاثرہ علاقوں میں وبائی امراض کے تدارک کیلئے بھی اقدامات کئے جا رہے ہیں۔

میڈیکل کیمپس 24 گھنٹے شہریوں کو طبی سہولتیں فراہم کر رہے ہیں۔انکا کہنا ہے کہ ڈی جی پی ڈی ایم اے پنجاب عمران قریشی کی ہدایت پر متاثرہ علاقوں کی مکمل بحالی تک ریلیف کے اقدامات جاری رہیں گے