ایشین گیمز میں شرکت کیلئےقومی ہاکی ٹیم21 ستمبر کو چین روانہ ہوگی

ایشین گیمز میں شرکت کیلئےقومی ہاکی ٹیم21 ستمبر کو چین روانہ ہوگی۔

قومی ہاکی ٹیم کے منیجر سعید خان کا کہنا ہے کہ ہیڈ کوچ اولمپئن شہناز شیخ کی نگرانی میں پلیئرز کی خامیوں پر خصوصی توجہ دی گئی ہے۔پر امید ہے کہ ایشین گیمز میں پاکستان ہاکی ٹیم میڈل جیتنے میں کامیاب ہوگی۔ ٹیم میجمنٹ نے ان فٹ ہونیوالے کھلاڑیوں کے متبادل پلیئرز کیلئے فیڈریشن سےدرخواست کی ہے لیکن ابھی تک فیصلہ نہیں ہوسکا۔

میگا ایونٹ میں شرکت کیلئے پاکستان ہاکی ٹیم 21 ستمبر  کو چین روانہ ہوگی۔ 24 ستمبر سے شروع ہونیوالے ایونٹ میں پاکستان اور روایتی حریف بھارت کی ٹیمیں پول اے میں شامل ہیں جبکہ جاپان، بنگلا دیش، سنگاپور اور ازبکستان بھی پول اے میں شامل ہیں۔

پاکستان ٹیم 24 ستمبر کو سنگاپور، 26 ستمبر کو بنگلادیش اور 28 ستمبر کو ازبکستان کیخلاف میچز کھیلے گی۔ روایتی حریف پاکستان اور بھارت کا میچ  30 ستمبر کو شیڈول ہے جبکہ گرین شرٹس 2 اکتوبر کو جاپان کیخلاف آخری پول میچ کھیلے گی۔ ایشین گیمز مینز ہاکی ایونٹ کے سیمی فائنل 4 اکتوبر اور فائنل 6 اکتوبر کو کھیلا جائے گا