ملک بھر میں ایک ہفتے کے دوران کورونا وائرس کے47کیس رپورٹ

اسلام آباد: ملک بھر میں ایک ہفتے کے دوران کورونا وائرس کے47کیس رپورٹ ہوئے اور ایک مریض جاں بحق ہو گیا۔

منگل کوقومی ادارہ صحت(این آئی ایچ)کی جانب سے جاری اعدادوشمار کے مطابق ملک بھر میں 4 سے 10 ستمبر کے دوران کورونا وائرس کے37 ہزار 777 ٹیسٹ کئے گئے جن میں سے47 ٹیسٹ مثبت آئے اور مثبت کیسز کی شرح 1.24 فیصد ریکارڈ کی گئی جبکہ ایک مریض کی حالت تشویش ناک ہے۔

مزید برآں اس عرصہ کے دوران کورونا وائرس سے ایک مریض جاں بحق ہوا۔