سیکورٹی فورسز کا ڈیرہ اسماعیل خان کے علاقہ کولاچی میں انٹیلی جنس بیسڈ آپریشن

ڈیرہ اسماعیل خان : ڈیرہ اسماعیل کے علاقہ کڑم نالہ تحصیل کلاچی میں دہشت گردوں کی موجودگی کی اطلاع پر سکیورٹی فورسز نے انٹیلی جنس بیس آپریشن کرتے ہوئے دہشت گردوں کے ساتھ مقابلہ کیا جسکے نتیجے میں5دہشت گردمارے گئے۔

آپریشن میں حساس اداروں اور پاک فوج نے حصہ لیا۔دہشت گردی کے مقدمات میں مطلوب خطرناک دہشت گردوں کی موجودگی کی اطلاع پرکلاچی کے علاقہ باچہ آباد اورآس پاس کے جنگلوں میں سرچ آپریشن کیا گیا۔

واقعات کے مطابق دہشت گردوں کی اطلاع پر کلاچی کے علاقہ باچہ آباد اور آس پاس جنگلوں میں سیکورٹی فورسز نےسرچ آپریشن کیا۔آپریشن کے دوران فورسز پر مختلف مقامات سے فائرنگ کی گئی۔فورسز اور دہشت گردوں کے مابین فائرنگ کے تبادلے اورمقابلے میں5 دہشت گرد مارے گئے۔

مارے جانے والے دہشت گردوں کی شناخت بھی کرلی گئی ہے،جبکہ دو دہشت گردوں کی تا حال شناخت نہ ہو سکی۔