آئی سی سی مینز کرکٹ ورلڈکپ 2023 کیلئے18 رکنی قومی سکواڈ کا اعلان کر دیا گیا

لاہور: قومی کرکٹ ٹیم کے چیف سلیکٹر انضمام الحق نےآئی سی سی مینز کرکٹ ورلڈکپ 2023 کیلئے18 رکنی قومی سکواڈ کا اعلان کر دیا ہے،بابر اعظم کپتان اور شاداب نائب کپتان کو برقرار رکھا گیا ہے۔

انہوں نے بتایا کہ ورلڈکپ کے لیے قومی سکواڈ میں شامل کھلاڑی بابراعظم (کپتان)، شاداب خان(نائب کپتان)، امام الحق، عبداللہ شفیق، فخر زمان، محمد رضوان(وکٹ کیپر بلے باز)، حارث روف، افتخار احمد، شاہین آفریدی، محمد نواز، محمد وسیم جونیئر، حسن علی، سعود شکیل، سلمان آغا، اسامہ میر جبکہ محمد حارث، ابرار احمد اور زمان خان کو ریزرو کھلاڑیوں میں رکھا گیا ہے۔ انہوں نے کہا کہ حسن علی کو تجربے کی بنیاد پر سکواڈ میں دوبارہ شامل کیا گیا ہے کیونکہ بڑے ایونٹ میں تجربہ کار بائولر کی ضرورت ہوتی ہے جبکہ نسیم شاہ کا ٹیم میں نہ ہونا ہمارے لیے نقصان ہے لیکن پرامید ہیں کہ وہ جلد ہی ٹیم میں واپس آئیں گے۔

انہوں نے بتایا کہ ہم نے کوشش کی ہے کہ بہترین ٹیم کا انتخاب کریں۔انہوں نے کہا کہ وہ دعا گوہیں کہ یہ ٹیم ورلڈکپ میں بہتر کارکردگی کا مظاہرہ کرے اور فتح یاب ہو کر آئے۔ حسن علی کے حوالے سے ایک سوال کے جواب میں انہوں نے کہا کہ جس طرح نسیم شاہ انجرڈ ہوئے، دوسری چیز یہ ہے کہ فاسٹ بائولر میں انجریزجس طرح حسنین بھی زخمی ہیں، ڈاکٹرز نے ان کے ٹخنے کا بھی آپریشن کیا ہے، احسان اللہ کی بھی کہنی کا آپریشن ہوا ہے۔