نمیبیا میں اقوام متحدہ افریقا گیمز کا آغاز

ونڈہوک: اقوام متحدہ افریقا گیمز 2023 کا آغاز نمیبیا کے ساحلی قصبے سواکوپمنڈ کے وینیتا اسپورٹس فیلڈ میں ہوا ہے ۔

چینی خبررساں ادارے کے مطابق متحدہ افریقہ گیمز کی افتتاحی تقریب سے خطاب کرتے ہوئے نمیبیا کے نائب وزیر برائے کھیل، نوجوان اور قومی خدمت ایما کنٹیما گاوماس نے کہا کہ کھیل فلاح و بہبود کے احساس کو فروغ دیتا ہے اور کھیلوں کے فوائد جسمانی سرگرمیوں سے بڑھ کر ہوتے ہیں لہذا، کھیلوں میں حصہ لینے سے ٹیم کا حصہ ہونے کا احساس پیدا ہوتا ہے۔

انہوں نے کہا کہ اقوام متحدہ کے آل افریقا گیمز صرف مقابلے کے بارے میں نہیں ہیں، بلکہ یہ اتحاد، مشترکہ ہم آہنگی اور متنوع ثقافتی ورثے کا جشن بھی فروغ دیتے ہیں۔تقریب سے خطاب کرتے ہوئے، نمیبیا میں اقوام متحدہ کے ریزیڈنٹ کوآرڈینیٹر ہوپولنگ فوورو نے کہا کہ یہ گیمز اقوام متحدہ کے دفاتر اور ایجنسیوں کے عملے کے درمیان تعلقات، نیٹ ورکنگ اور شراکت داری کو بڑھانے میں اہم کردار ادا کرتے ہیں۔

انہوں نے بتایا کہ گیمز میں حصہ لینے والے ممالک انگولا، بوٹسوانا، ایسواتینی، کینیا، لیسوتھو، ملاوی، موزمبیق، نمیبیا، جنوبی افریقہ، جنوبی سوڈان اور زمبابوے ہیں۔انہوں نے مزید بتایا کہ مقابلہ کرنے والی ٹیمیں ایتھلیٹکس، فٹ بال، نیٹ بال اور بیڈمنٹن سمیت دیگر مقابلوں میں مقابلہ کریں گی اور گیمز کا اختتام ہفتہ کو ہوگا۔ ■