جسٹس عرفان سعادت سندھ ہائی کورٹ کے قائم مقام چیف جسٹس مقرر

کراچی: صدر مملکت ڈاکٹر عارف علوی نے ہفتہ کو جسٹس عرفان سعادت خان کی بطور قائم مقام چیف جسٹس سندھ ہائی کورٹ تقرری کی منظوری دے دی۔ 

تفصیلات کے مطابق صدر مملکت ڈاکٹر عارف علوی نے سندھ ہائی کورٹ کے سینئر ترین جج جسٹس عرفان سعادت خان کی بطور قائم مقام چیف جسٹس سندھ ہائی کورٹ تقرری کی منظوری دے دی ہے۔

وزارت قانون و انصاف نے نوٹیفکیشن جاری کر دیا،صدر کے پریس ونگ سے جاری بیان کے مطابق صدر مملکت نے آئین کے آرٹیکل 196 کے تحت تقرری کی منظوری دی۔

یاد رہے کہ سندھ ہائی کورٹ کے موجودہ چیف جسٹس جسٹس احمد علی ایم شیخ 2 اکتوبر کو اپنے عہدے سے ریٹائر ہو جائیں گے۔