مظفرآباد: مہنگی بجلی کے خلاف احتجاج ،پولیس اور مظاہرین آمنے سامنے

مظفر آباد : پولیس اور تاجر آمنے سامنے آ گئے ، عوامی ایکشن کمیٹی کا احتجاجی کیمپ ہٹانے سے پولیس اور مظاہرین کے درمیان جھڑپیں ہوئیں ، پولیس نے مشتعل مظاہرین پر  لاٹھی چارج کیا اور پولیس کی جانب سے شیلنگ بھی کی گئی ۔

احتجاجی مظاہرین کی جانب سے بھی پولیس پر پتھراؤ کیا گیا جس سے پولیس اہلکار بھی زخمی ہوگئے ۔

یاد رہے کہ ڈی ایس پی پولیس بھی احتجاجی مظاہرین کی جانب سے کیے گئے پتھراؤ میں زخمی ہوئے ۔

احتجاجی مظاہرین کا کہنا ہے کہ کسی قسم کی کوئی قانونی خلاف ورزی نہیں کی گئی اور نہ ہی پولیس سے کسی قسم کا غلط رویہ اپنایا ، مظاہرین کا کہنا ہے کہ پولیس نے ان پر فائرنگ بھی کی ہے اور ان کے احتجاجی کیمپ بھی اکھاڑ دیے ہیں ۔

مظفر آباد میں پولیس اور مظاہرین آمنے سامنے#GNN #NewsUpdates #BreakingNews #GNN_Updates pic.twitter.com/82x8DEHHgf

— GNN (@gnnhdofficial) September 30, 2023

یاد رہے کہ احتجاجی مظاہرین کی جانب سے مہنگی بجلی پر احتجاج کیا جا رہا تھا مظفرآباد کی تاجر برادری نے دکانیں بند کردیں ۔

مظاہرین نے کہا کہ احتجاج پر امن تھا لیکن پولیس نے ہمارے تاجروں ، قائدین کو گرفتار کیا ہے جس کی ہم پرزور مزمت کرتے ہیں ۔

پولیس گرفتاریوں کے خلاف مظفرآباد ، راولا کوٹ اور دیگر علاقوں میں پولیس کی گرفتاریوں کے خلاف احتجاجی مظاہرے شروع ہو گئے ۔