جرمن کا یوکرین کی مدد کے لیے 1.1 بلین ڈالرکے نئے دفاعی پیکج کا اعلان

جرمنی نے یوکرین کی مدد کے لیے ایک بلین یورو (1.1 بلین ڈالر )کے نئے دفاعی پیکج کا اعلان کر دیا۔

غیر ملکی خبر رساں ایجسنی کے مطابق جرمن وزیر دفاع بورس پسٹوریئس نے گزشتہ روز اعلان کرتے ہوئے کہا کہ جرمنی یوکرین کی مدد جاری رکھے گا جس کی اسے فوری طور پر ضرورت ہے ۔

انہوں نے کہا کہ اس نئےونٹر پیکج کے ساتھ ہم آنے والے مہینوں میں یوکرین کی مسلح افواج کی آپریشنل تیاریوں میں مزید اضافہ کر رہے ہیں۔ نئے دفاعی پیکج میں اضافی پیٹریاٹ ایئر ڈیفنس میزائل سسٹم، اضافی آئی آر آئی ایس۔ ٹی میزائل سسٹم اور گیپارڈ اینٹی ایئر کرافٹ گن ٹینک شامل ہیں۔

جرمن وزیر دفاع نے کہا کہ یوکرین کی سپیشل فورسز کو گاڑیوں، ہتھیاروں کے ساتھ ساتھ 20 ملین یورو سے زائد مالیت کے غیر متعینہ آلات سے بھی مدد فراہم کی جائے گی تاکہ ان کی صلاحیتوں میں اضافہ کیا جا سکے۔