نگران وزیر اعظم انوار الحق کاکڑ کی کینیا کے صدر ولیمز روتو کے ساتھ ملاقات

نگران وزیر اعظم انوار الحق کاکڑ کی کینیا کے صدر ولیمز روتو کے ساتھ ملاقات ہوئی ،سماجی رابطے کی ویب سائٹ ایکس پر اپنے ٹویٹ میں نگران وزیراعظم نے کہا کہ ملاقات کے دوران ہم نے اقتصادی تعاون کو مزید گہرا بنانے پر توجہ مرکوز کرتے ہوئے پاکستان اور کینیا کے تعلقات کو مزید مضبوط بنانے پر نتیجہ خیز بات چیت کی۔

دونوں رہنماؤں کی پاکستان اور کینیا کے مابین مختلف شعبوں میں تعاون کے فروغ پر گفتگو ہوئی، ملاقات میں تجارت، سرمایہ کاری، تعلیم اور لوگوں کے روابط کے حوالے سے تعاون بڑھانے پر اتفاق کیا گیا۔

Had a productive meeting with the President of Kenya @WilliamsRuto on the sidelines of the 3rd Belt and Road Forum. We had fruitful discussions on further strengthening Pakistan-Kenya ties with a focus on deepening economic cooperation. #BRI10Years pic.twitter.com/yyMjspIN1a

— Anwaar ul Haq Kakar (@anwaar_kakar) October 17, 2023

وزیرِ اعظم انوار الحق کاکڑ نے کہا کہ اقتصادی تعاون کو فروغ دے کر دونوں ممالک کے مابین تجارت کی استعداد سے بھرپور فائدہ اٹھایا جا سکتا ہے۔ وزیرِ اعظم نے اس موقع پر کہا کہ بیلٹ اینڈ روڈ انیشی ایٹیو کا شراکتی رکن ہونے کے ناطے پاکستان اس منصوبے کے دوسرے رکن ممالک بشمول کینیا کے ساتھ مزید ترقیاتی منصوبوں و اقدامات پر تعاون کا خواہاں ہے.

وزیرِ اعظم نے کینیا کے صدر سے پاکستانی صحافی ارشد شریف شہید کے قتل پر بننے والی خصوصی جوائنٹ انویسٹی گیشن ٹیم کو اپنی رپورٹ کو جلد حتمی شکل دینے میں سہولت فراہم کرنے کی درخواست کی.

ڈاکٹر ولیم روٹو نے کینیا کی جانب سے پاکستان کے زرعی اور صحت کے شعبے میں تجربے سے استفادہ حاصل کرنے کی خواہش کا اظہار کیا.