چینی سرمایہ کاری سے پاکستان کی معیشت کو فائدہ ہو گا ،انوارلحق کا کڑ

وزیراعظم انوار الحق کاکڑ نے کہا کہ چین کے نجی ادارے صنعتوں کی منتقلی اور زراعت اور کان کنی کے شعبوں میں تیز تعاون پر توجہ دیتے ہوئے چین پاکستان اقتصادی راہداری منصوبے کے دوسرے مرحلے میں سرمایہ کاری کریںگے۔

انہوں نے اسلام آباد میں ایک نیوز کانفرنس سے خطاب کرتے ہوئے کہاکہ چینی سرمایہ کاری سے ہماری اقتصادی ترقی کی رفتار تیز ہوگی۔

چینی قیادت سے اپنی بات چیت کو انتہائی مفید اور تعمیری قرار دیتے ہوئے وزیراعظم نے کہا کہ پاکستان اور چین کی مضبوط دوستی اور سدابہار تذویراتی شراکت داری ہے۔

انہوں نے کہاکہ دونوں ملک اپنے روابط کو مزید فروغ دینا اور ان تعلقات کو مستحکم کرنا چاہتے ہیں۔

انہوں نے کہاکہ ہم مشاورت تعاون اور رابطے کے تین افسروں کے ساتھ چین سے واپس لوٹے ہیں اور دوطرفہ تعاون کو مزید وسعت دینے پر خصوصی توجہ دیںگے۔

وزیراعظم نے کہاکہ چین کے دورے کے دوران 20معاہدوں پر دستخط کئے گئے اور ان پر عملدرآمد یقینی بنانے کیلئے ایک طریقہ کار وضع کیا گیا ہے۔

انہوں نے کہا کہ دونوں ملکوں کے ذرائع ابلاغ کے درمیان تعاون کی بھرپور صلاحیت موجود ہے۔