ترکی کے صدر کا وزیراعظم کو ٹیلی فون، اسرائیلی حملوں پر تبادلہ خیال

تفصیلات کے مطابق  ترکی کے صدر رجب طیب اردگان نے وزیراعظم عمران خان کو ٹیلی فون کیا ہے اور  رمضان المبارک کے دوران مسجد اقصیٰ اورنمازیوں پر بہیمانہ اسرائیلی حملوں پر تبادلہ خیال کیا گیا ہے۔

وزیر اعظم عمران خان نے کہا ہے کہ  غزہ سمیت فلسطینی علاقوں پر اسرائیلی حملے انسانیت اورعالمی قوانین کی خلاف ورزی ہیں۔

اعلامیہ میں کہا گیا ہے کہ  ماہ رمضان میں مظلوم فلسطینیوں پراسرائیلی حملہ قابل مذمت ہے،غزہ میں عبادت کرتے مسلمانوں پرحملہ عالمی قوانین کی خلاف ورزی ہے، پاکستان اورترکی کا مسئلہ فلسطین کے لیے مل کرکام کرنے پراتفاق کیا ہے، دونوں ممالک کے وزرائے خارجہ مل کرمسئلہ فلسطین کوعالمی سطح پراٹھائیں گے۔علاقائی سیکیورٹی کی صورت حال پربھی تبادلہ خیال کیا گیا۔

وزیر اعظم عمران خان نے کہا کہ  مسئلہ فلسطین کے لیے ترکی کے کردارکوسراہتے ہیں،افغان امن عمل اورفوجوں کے انخلاء پرترکی کی کوششوں کے معترف ہیں۔

ٹیلی فونک گفتگو میں پاک ترک دو طرفہ تعلقات کو فروغ دینے پر اتفاق کیا گیا  اور دونوں رہنماؤں نے ایک دوسرے کو عید کی مبارک باد بھی دی۔