شوال کا چاند نظرآگیا کل عید ہوگی ، رویت ہلال کمیٹی

تفصیلات کے مطابق چیئرمین مرکزی رویت ہلال کمیٹی مولانا عبدالخبیر آزاد نے اعلان کرتے ہوئے کہا ہے کہ شوال کا چاند نظرآگیا ہے۔شوال کے چاند  کے متعلق شہادتیں موصول   کل عید ہوگی۔اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد نے کی۔ڈی جی ریسرچ وزارت مذہبی امور سید مشاہد حسین خا لد اور ڈائریکٹر حافظ عبد القدوس بھی شریک ہوئے۔ مرکزی روئیت ہلال کمیٹی کا اجلاس وزارت مذہبی امور نیو کوہساربلاک میں ہوا۔روئیت ہلال کمیٹی کے اجلاس میں وزارت سائنس اور محکمہ موسمیات کے نمائندے بھی ‏شریک تھے۔

 وزارت کے ترجمان کے مطابق زونل اور ضلعی ہلال کمیٹیوں کے اجلاس اپنے اپنے متعلقہ مقامات پر ہوئے۔ ملک بھر سے موصول ہونے والی شہادتوں کو مد نظر رکھتے ہوئے مرکزی رویت ہلال کمیٹی کے چیئرمین چاند کی رویت کے حوالے سے اعلان کردیا ہے۔

محکمہ موسمیات کا بھی کہنا تھا کہ  ملک بھر میں آج چاندنظرآنےکےامکانات کم ہیں۔ شوال کے چاند کی پیدائش 12 مئی کو رات 12 بجے کے بعد ہوگی، اس لیے آج  شوال کا چاند نظر آنے کا کوئی امکان نہیں ہے۔

دوسری جانب سعودی عرب اور امارات سمیت خلیجی ریاستوں میں گزشتہ روز چاند نظر نہیں آیا، وہاں عید کل منائی جائے گی۔ امریکا اور یورپ میں کیلینڈر کے تحت تہوار منانے والے بھی جمعرات ہی کو عید منائیں گے۔