اب واٹس ایپ کو موبائل فون کے بغیر بھی استعمال کیا جاسکے گا

غیر ملکی خبر رساں ادارے کی رپورٹ کے مطابق  بہت جلد ہی ڈیسک ٹاپ کمپیوٹر پر واٹس ایپ استعمال کرنے کے لئے موبائل فون  کی ضرورت نہیں رہے گی  بلکہ اسکے بنا ہی واٹس ایپ استعمال کیا جاسکے گا۔

رپورٹ کے مطابق  واٹس ایپ کے بیٹا انٹرفیس کے نئے بیٹا ٹیسٹ میں ایکٹیو موبائل ڈیوائس کی ضرورت کو ختم کردیا گیا ہے اور  ڈیسک  ٹاپ پر واٹس ایپ کے نئے بیٹا ورژن میں لاگ ان ہونے پر صارفین کا خیرمقدم ایک پیغام کے ساتھ کیا جاتا ہے۔

پیغام کا مقصد صارفین کو آگاہ کرنا ہوتا ہے کہ  اب انہیں واٹس ایپ کی ڈیسک ٹاپ ایپ، ویب ایپ یا پورٹل کو استعمال کرنے کے لیے فون سے منسلک کرنے کی ضرورت نہیں۔صارفین یہ فیچر ایک وقت میں صرف 4 ڈیوائسز میں ہی استعمال کر سکتے ہیں ۔

واٹس ایپ کا یہ نیا فیچر تمام صارفین کو کب تک دستیاب ہوگا اس  پر واضح طور کو کچھ نہیں کہا جا سکتا  مگر امکان ہے کہ  صارفین کیلئے جلد اس فیچرکو  متعارف کروایا جاسکتا ہے۔