پاکستان تحریک انصاف کی رہنما ڈاکٹر یاسمین راشد کا نواز شریف کو چیلنچ

 پاکستان تحریک انصاف ( پی ٹی آئی ) کی رہنما ڈاکٹر یاسمین راشد نے ن لیگ کے قائد نواز شریف کو الیکشن لڑنے کا چلینج دے دیا۔

لاہور کی انسداد دہشت گردی عدالت میں پیشی کے موقع پر میڈیا سے گفتگو میں ڈاکٹر یاسمین راشد نے نواز شریف کو چیلنج کرتے ہوئے کہا کہ بہادر ہو تو میرے خلاف الیکشن لڑ کر دکھاؤ۔

یاسمین راشد کا مزید کہنا تھا کہ لیول پلیںگ فیلڈ کا مطلب ہے جس نے الیکشن لڑنا ہے وہ باہر ہو، نواز شریف سزا یافتہ اور اشتہاری ہے اس کو آپ الیکشن کے لیے لے آئے ہیں۔

انسداد دہشت گردی عدالت کے باہر تحریک انصاف کی رہنما ڈاکٹر یاسمین راشد کی صحافیوں سے غیر رسمی گفتگو

نواز شریف اتنے بہادر ہو تو میرے خلاف الیکشن لڑ کر دکھاؤ، لیول پلیںگ فیلڈ کا مطلب ہے جس نے الیکشن لڑنا ہے وہ باہر ہو، نواز شریف سزا یافتہ اور اشتہاری ہے اسکو آپ الیکشن کے لیے لے…

— PTI (@PTIofficial) October 26, 2023

انہوں نے مزید کہا کہ نواز شریف کو پروٹوکول دیا جا رہا ہے، ہمارے کیسز کا چالان تین چار ماہ سے آج تک نہیں آیا ،یہ بات پہلے سے کنفرم ہے کہ یہ الیکشن نہیں سلیکشن ہے

پی ٹی آئی کے رہنما عمر سرفراز چیمہ نے اس موقع پر بات چیت میں کہا کہ جھوٹے کیس میں 6 ماہ سے جیل میں رکھا ہوا ہے۔ یہ ہم سے پریس کانفرنس کروانا چاہ رہے ہیں۔ ہم نے پی ٹی آئی چھوڑنا ہوتی تو تب ہی چھوڑ دیتے۔ جن کیسز میں گرفتار کیا گیا اس وقت میں گھر پر تھا۔

انسداد دہشت گردی کی عدالت نے 9 مئی کو جلاؤ گھیراؤ کے مختلف مقدمات میں  ڈاکٹر یاسیمن راشد، عمر سرفراز چیمہ ، اعجاز چوہدری اور خدیجہ شاہ کے جوڈیشل ریمانڈ میں 9 نومبر تک توسیع کردی۔