چوھدری ساجد محمود نے پی ٹی آئی کو خیر آباد کہہ دیا

سابق ایم پی اے چوھدری ساجد محمود نے بھی پی ٹی آئی چھوڑنے کا اعلان کردیا ۔

چوہدری ساجد محمود نے پریس کانفرنس میں کہا کہ میں نے 2008 میں پی ٹی آئی جوائن کی تھی، پارٹی ٹکٹ پر 2 الیکشن لڑا ہوں جس میں سے ایک جیتا اور ایک ہارا۔

سابق رکن پنجاب اسمبلی نے کہا کہ سب سے پہلے 9 مئی واقعے کی پُرزور مذمت کرتا ہوں، واقعہ دل خراش تھا جس نے پاکستان کی سیاست کو ہلاکر رکھ دیا، پاکستان کے 24 کروڑ عوام نے واقعے کی مذمت کی ہے۔

انہوں نے پریس کا نفرنس کرتے ہو ئے سانحہ 9 مئی کی مذمت بھی کی اور کہا کہ پی ٹی آئی اور آرمی کو اس کا بہت بڑا نقصان ہوا ہے ۔

انہوں نے کہا کہ اس طرح کا واقعہ اور اس طرح کا بیانیہ اگر نہ ہی ہوتا تو اچھا تھا ۔

انہوں نے کہا کہ میں مزید اس بیانیے کے ساتھ پی ٹی آئی میں نہیں رہ سکتا ، میں پی ٹی آئی کے تمام کارکنان سے ہاتھ جوڑ کر معافی کا طلب گار ہوں ۔

انہوں نے کہا کہ میں باضابطہ طور پر پی ٹی آئی کو چھوڑنے کا اعلان کرتا ہوں ۔