آئی ایم ایف کی وزارت خزانہ سے مختلف اداروں کے نقصانات سے متعلق رپورٹ طلب

آئی ایم ایف نے وزارت خزانہ سے مختلف اداروں کے نقصانات سے متعلق رپورٹ طلب کر لی، رواں سال کی پہلی سہ ماہی میں حکومتی ملکیتی اداروں کےنقصانات کی رپورٹ طلب کر لی۔ وزارت خزانہ نے آئی ایم ایف سے دسمبر 2023 تک رپورٹ فراہم کرنے کےلئے وقت مانگ لیا ہے۔

آئی ایم ایف مشن نے مذاکرات کے دوران پرانے اعداد وشمار کی رپورٹ ماننے سے انکار کر تے ہوئے وزارت خزانہ سے رواں مالی سال کی پہلی سہ ماہی تک حکومتی ملکیتی اداروں کے نقصانات کی رپورٹ مانگ لی ہے۔

دستاویزات کے مطابق وزارت خزانہ نے آئی ایم ایف سے دسمبر 2023 تک رپورٹ فراہم کرنے کیلئے وقت مانگ لیا۔ آئی ایم ایف وفد نے حکومتی ملکیتی اداروں کے نقصانات کے جائزہ کیلئے سنٹرل مانیٹرنگ یونٹ ٹیم کو بھی جانچا۔

آئی ایم ایف حکام پاکستان کے مختلف اداروں کا معائنہ پر کر رہے ہیں۔ آئی ایم ایف مشن نے سینٹرل مانیٹرنگ یونٹ ٹیم کو اپنی پہلی جائزہ رپورٹ دینے کا مطالبہ کیا جس پر حکام کی جانب سے بتایا گیا کہ حکومتی ملکیتی اداروں کے نئے اعداد و شمار جانچ رہے ہیں۔

پاکستانی حکام کی جانب سے آئی ایم ایف وفد کو بتایا گیا کہ حکومتی ملکیتی اداروں کے نئے اعداد و شمار کی رپورٹ جلد مکمل کرکے آئندہ ماہ تک بھجوا دی جائے گی۔