عمران خان کا اپنا کیس خود لڑنے کا فیصلہ

عمران خان کے وکیل بیرسٹر گوہر نے بتایا ہے کہ سپریم کورٹ کے خط کے جواب میں چیئرمین پی ٹی آئی نے خود عدالت میں پیش ہونے کا کہا ہے۔ 

عمران خان کے وکیل بیرسٹر گوہر نے اڈیالہ جیل کے باہر میڈیا سے گفتگو کرتے ہوئے کہا کہ چئیرمین پی ٹی آئی کا کہنا ہے کہ نواز شریف ہمیشہ ایمپائر کو ساتھ ملا کر کھیلتے ہیں۔ اس بار نواز شریف کی کوشش ہے کہ ہماری پوری ٹیم کو کھیلنے نہ دیا جائے، جس کی ہم مذمت کرتے ہیں۔ ہم الیکشن کمیشن سپریم کورٹ سمیت متعلقہ ادراوں سے لیول پلیئنگ فیلڈ کا مطالبہ کرتے ہیں۔ اگر آزاد اور منصفانہ الیکشن کروانے ہیں تو پاکستان تحریک انصاف کو لیول پلیئنگ فیلڈ دی جائے جس کی اس وقت ملک میں 70 فیصد پاپولیرٹی ہے۔

انہوں نے کہا کہ چئیرمین پی ٹی آئی نے بڑھتی دہشت گردی پر تحفظات کا اظہار کیا ہے،ہر قسم کی دہشت گردی کی مذمت کرتے ہیں اور پیغام دیا ہے کہ پوری قوم متحد ہو کر دہشت گردی کا مقابلہ کرے۔

کپتان نےاپنا کیس خود لڑنے کا فیصلہ کرلیا!
سپریم کورٹ کو جواب بھجوا دیا!اڈیالہ جیل سے بڑی خبر
عمرا ن خان کوجیل سے باہردیکھنے کا موقع مل گیا! pic.twitter.com/R4EU0UEigc

— GNN (@gnnhdofficial) November 7, 2023

بیرسٹر گوہر کا کہنا تھا کہ آج عمران خان کو سپریم کورٹ سے ایک لیٹر موصول ہوا تھا جس میں کہا گیا تھا کہ کیا وہ نیب کے کیس میں پیش ہونا چاہتے ہیں جس پر عمران خان نے سپریم کورٹ کے خط کے جواب میں نیب ترامیم کے سلسلے میں خود پیش ہونے کا کہا ہے۔ 

عمران خان کا کہنا تھا کہ ہمیں جو سائفر آیا تھا کیا 75 سالوں میں ایسا سائفر آیا ہے، کیا کبھی سکیورٹی کمیٹی یا کابینہ نے اس قسم کی بات کر امریکی سفیر کو ڈی ماش کرایا ہے، یہ آپ خود فیصلہ کریں کہ کون حق پر ہے۔

انہوں نے بتایا کہ  الیکشن شفاف نہ ہوئے تو قوم اور جمہوریت کے لئے نقصان دہ ہوں گے۔ سیکیورٹی کے مسائل کو سنجیدہ لینا چاہیے۔  ہمیں لیول پلیئنگ فیلڈ دی جائے۔ لیول پلیئنگ فیلڈ نہ ملنے پر الیکشن متنازعہ ہوجائیں گے۔

یاد رہے کہ نیب ترامیم کیس کے سلسلے میں گزشتہ سماعت پر سپریم کورٹ نے عمران خان کے وکلاء کو حکم دیا تھا کہ عمران خان اگر عدالت میں پیش ہونا چاہیں تو انہیں بلایا جائے گا۔ جس کے بعد آج عمران خان نے اپنے وکلاء کو سپریم کورٹ میں پیش ہونے کا کہہ دیا ہے۔