پاکستان
ایم کیو ایم اور مسلم لیگ ن کامل کرآئندہ الیکشن لڑنےکااعلان
ن لیگ اور ایم کیو ایم نے 6 رکنی کمیٹی قائم کرنے کا بھی فیصلہ کیا
پاکستان مسلم لیگ ن نے عام انتخابات سے قبل متحدہ قومی موومنٹ (ایم کیو ایم) پاکستان سے ہاتھ ملا لیے۔
خالد مقبول کی قیادت میں ایم کیو ایم وفد نے لاہور میں سابق وزیراعظم نواز شریف سے ملاقات کی۔ ملاقات میں پارٹی صدر شہباز شریف، چیف آرگنائزر مریم نواز اور رانا ثنا اللہ بھی شامل تھے۔ مسلم لیگ ن کی طرف سے ملاقات میں سعد رفیق، پرویز رشید اور بشیر میمن بھی موجود تھے۔ دوسری طرف ایم کیو ایم وفد میں فاروق ستار اور مصطفیٰ کمال بھی ملاقات میں شامل تھے۔
اس موقع پر دونوں سیاسی جماعتوں کے درمیان عوام کو مسائل سے نکالنے کے لیے مشترکہ حکمت عملی اختیار کرنے پر اتفاق کیا گیا۔ ن لیگ اور ایم کیو ایم نے 6 رکنی کمیٹی قائم کرنے کا بھی فیصلہ کیا۔ علاوہ ازیں سندھ کے شہری علاقوں کے مسائل کے حل کے لیے بھی جامع چارٹر تیار کرنے پر اتفاق ہوا۔ ن لیگ اور ایم کیو ایم اشتراک کے لیے حتمی تجاویز 10 روز میں پیش کریں گی۔
مسلم لیگ ن کے سینئر رہنما خواجہ سعد رفیق نے ایم کیو ایم کے وفد کے ہمراہ پریس کانفرنس میں بریفنگ دیتے ہوئے کہا ہے کہ پاکستان کو معاشی بحران سے نکالنے کے لیے خاص طور پر جب انتخابات کا اعلان ہو چکا ہے، آج مسلم لیگ ن اور ایم کیو یم کے مابین طے پایا ہے کہ آئندہ انتخابات میں ملکر حصہ لیں گے۔ تمام تر معاشی اور قانون امور پر بھی تبادلہ خیال کیا جائے گا ۔
ایم کیو ایم کے رہنما فاروق ستار کا کہنا تھا کہ اس وقت جو ملکی معاشی صورتحال ہے اس کا مقابلہ کیسے کرنا ہے ۔جو پارلیمان بنے گی اس کے لئے درپیش مسائل کے حل کے لیے ابھی مل کر بیٹھنا ضروری ہے۔ معاشی مسائل سمیت دیگر تمام مسایل کے حل کے لیے ایک کوئی جماعت اس پوزیشن میں نہیں کہ اس کو حل کیا جائے ۔ہمارے درمیان طے پایا ہے کہ ہم تمام تر معاملات پر امور پر تبادلہ خیال کریں گے اور مشترکہ حکمت عملی اختیار کرنے پر اتفاق ہوا ہے ۔اس وقت قومی اتفاقِ رائے پر کام کرنے کی ضرورت ہے۔اسے ہماری سیاسی اخلاقی اور انسانی ذمہ داری کو سمجھا جائے ۔
مصطفی کمال کا کہنا تھا کہ ہمیں کوئی شک نہیں ہونا چاہیے ہم نے اس وقت مل کر ملک کو بحران سے نکالنے کے لیے مشترکہ لئے عمل تیار نہ کیا تو ہم سب کی یہ آخری باری ہے۔ موجودہ بحران سے ہمیں مضبوط سیاسی حکومت ہی نکال سکتی ہے میں ماضی کی بات نہیں کررہا تاہم اس وقت میاں نواز شریف کو سب اس وقت سب مضبوط سیاست دان کہہ رہے ہیں اس وقت پاکستان کو سخت اور مضبوط فیصلے کرنے کی ضرورت ہے ۔
پاکستان
حکومت کی رواں مالی سال کے دوران 32 ڈیموں کی تعمیر کیلئے رقم فراہمی کی یقین دہانی
وزیر اطلاعات و نشریات عطا اللہ تارڑ نے ایوان کو بتایا کہ وزیر اعظم شہباز شریف نے نیشنل ووکیشنل اینڈ ٹیکنیکل ٹریننگ کمیشن کو ہدایت کی ہے
قومی اسمبلی کو آج (جمعہ) بتایا گیا کہ وفاقی حکومت رواں مالی سال کے دوران بتیس ڈیموں کی تعمیر کے لئے رقم فراہم کررہی ہے۔
آبی وسائل کے وزیر مصدق ملک نے وقفہ سوالات کے دوران ایوان کو بتایا کہ مکمل ہونے پر ان منصوبوں میں تقریباً 84 لاکھ انتیس ہزار دو سو اٹھاسی ایکڑ فٹ پانی ذخیرہ کرنے کی گنجائش ہوگی اور 4 لاکھ 36 ہزار 934 ایکڑ رقبہ زیر کاشت آئے گا۔
وزیر اطلاعات و نشریات عطا اللہ تارڑ نے ایوان کو بتایا کہ وزیر اعظم شہباز شریف نے نیشنل ووکیشنل اینڈ ٹیکنیکل ٹریننگ کمیشن کو ہدایت کی ہے کہ نرسوں کو عالمی معیار کے مطابق تربیت فراہم کریں۔ انہوں نے کہا اس سے پاکستان مقامی طور پر اور بیرون ملک نرسوں کی طلب کو پورا کرنے کے قابل ہوجائے گا۔
تجارت
ایشیائی ترقیاتی بینک کی پاکستان کے لیے 32 کروڑ ڈالر قرض کی منظوری
رقم خیبر پختونخوا میں سڑکوں کی بحالی کے لیے خرچ ہوگی
ایشیائی ترقیاتی بینک (اے ڈی بی) نے پاکستان کے لیے 32 کروڑ ڈالر قرض کی منظوری دے دی، رقم خیبر پختونخوا میں سڑکوں کی بحالی کے لیے خرچ ہوگی۔
اے ڈی بی کے مطابق قرض سے دیہی علاقوں میں آل ویدر محفوظ رابطہ کاری میں اضافہ ہوگا اور 900 کلو میٹر سڑکوں کو اَپ گریڈ کیا جائے گا۔
یہ سڑکیں پسماندہ طبقات کو صحت اور تعلیم میں رابطوں کے لیے استعمال کی جائے گی، خیبرپختونخوا کی اس ترقی سے ملک کے دیگر حصوں کو بھی فائدہ پہنچے گا۔
ایشیائی ترقیاتی بینک کا کہنا ہے کہ خیبر پختونخوا صوبے میں موسمیاتی تبدیلی نے بہت نقصان پہنچایا ہے، انفرا اسٹرکچر مسائل اور بیماریوں کی وجہ سے لوگوں کی زندگی پر برے اثرات مرتب ہوئے ہیں۔
منصوبے کے ذریعے فنانشل اور ٹیکنیکل معاونت فراہم کی جائے گی جبکہ حکومت کو لینڈ سلائیڈنگ کی وجہ سے پہنچنے والے نقصانات کا ازالہ کرنے کے قابل بھی بنایا جائے گا، ٹھیکہ سسٹم میں بہتری لا کر روڈ مینٹیننس اور ٹورازم کی صورتحال بہتر بنائی جائے گی۔
پاکستان
وزیراعلیٰ خیبرپختونخوا سے افغان قونصل جنرل حافظ محب اللہ شاکی کی ملاقات
وفاقی حکومت جرگہ تشکیل دےکرپڑوسی ملک کےساتھ بات چیت کرے، علی امین گنڈاپور
وزیراعلیٰ خیبرپختونخوا سے افغان قونصل جنرل حافظ محب اللہ شاکی نے ملاقات کی کرکے مختلف معاملات پر تبادلہ خیال کیا۔
ملاقات کے موقع پر وزیراعلیٰ کے پی علی امین گنڈاپور نے کہا کہ علاقے میں پائیدار امن کے قیام کیلئے سنجیدہ کوششیں ہونی چاہییں۔ علاقائی امن پاکستان اور افغانستان دونوں کے مفاد میں ہے۔
علی امین گنڈاپور نے کہا کہ وفاقی حکومت جرگہ تشکیل دےکرپڑوسی ملک کےساتھ بات چیت کرے، پاک افغان سرحد پر تجارتی سرگرمیوں کی راہ میں رکاوٹوں کو دور کرنے کی ضرورت ہے۔
وزیراعلیٰ کے پی نے مزید کہا ہے کہ پاک افغان سرحد پر تجارتی سرگرمیوں کی راہ میں رکاوٹوں کو دور کرنے کی ضرورت ہے، کے پی حکومت صوبے میں قانونی طور پر مقیم افغان باشندوں کے مسائل حل کرنے کے لیے سنجیدہ ہے۔
واضح رہے کہ چند روز قبل پی ٹی آئی کے اسلام آباد میں ہونے والے جلسے میں وزیراعلیٰ کے پی علی امین گنڈاپور نےکہا تھا کہ بحثیت صوبہ افغانستان سے بات کروں گا، وفد بھیجوں گا، افغانستان کے ساتھ بیٹھ کر بات کروں گا اور مسئلہ حل کروں گا۔
حکومت کی رواں مالی سال کے دوران 32 ڈیموں کی تعمیر کیلئے رقم فراہمی کی یقین دہانی
پی ٹی آئی رہنماؤں کی پریس کانفرنس ، صحافیوں نے مائیک اٹھا لیے
معیشت ٹیک آف پوزیشن میں ہے ، آئی ایم ایف پروگرام آخری ہو گا ، مریم نواز
-
پاکستان 2 دن پہلےقائداعظم کا یومِ وفات، صدر مملکت اور وزیراعظم کا ’بانی پاکستان‘ کو خراجِ عقیدت پیش
-
کھیل 2 دن پہلےپی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد
-
پاکستان 2 دن پہلےپارلیمنٹ سےگرفتاریوں کا معاملہ، ساجنٹ ایٹ آرمز سمیت 5 سکیورٹی اہلکار معطل
-
پاکستان 2 دن پہلےتوڑ پھوڑ کیس: پی ٹی آئی رہنماء شعیب شاہین کی ضمانت منظور
-
کھیل ایک دن پہلےخالد محمود ڈائریکٹر پی سی بی اپنے عہدے سے دستبردار
-
پاکستان 2 دن پہلےملک میں وی پی اینز کو بلاک نہیں کیا جا رہا، پی ٹی اے
-
تجارت 2 دن پہلےپنشن اصلاحات پر جلد قانون سازی لائیں گے، وزیرخزانہ
-
دنیا 2 دن پہلےامریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
