دنیا
غزہ جنگ سے پوری دنیا میں ایک خوفناک یہود مخالف لہر اٹھ رہی ہے، کینیڈین وزیر اعظم
غزہ میں طویل جنگ بندی کی ضرورت ہے تاکہ یرغمالیوں کی رہائی کے ساتھ غزہ کے شہریوں کے لیے معقول امدادی سامان کی رسائی ممکن بنائی جا سکے، جسٹن ٹروڈو
![غزہ جنگ سے پوری دنیا میں ایک خوفناک یہود مخالف لہر اٹھ رہی ہے، کینیڈین وزیر اعظم](/media/85645/conversions/6073d334-0619-4334-970b-a051a282eb64_16x9_1200x676-1280x720.jpg)
کینیڈا کے وزیر اعظم جسٹن ٹروڈو نے انسانی بنیادوں پر غزہ میں طویل جنگ بندی کا مطالبہ کیا ہے تاکہ تمام یہودی یرغمالی رہا ہوسکیں اور سارے ملکوں کے شہریوں کو غزہ سے نکالا جا سکے اور غزہ کے شہریوں کے لیے معقول امدادی سامان کی رسائی ممکن بنائی جا سکے۔
غیر ملکی خبر رساں ایجنسی کے مطابق کینیڈین وزیر اعظم نے کہا کہ پوری دنیا میں ایک خوفناک یہود مخالف لہر اٹھ رہی ہے، عبادت گاہوں میں دستی بم پھینکے جاتے تھے، اسی طرح اسلام مخالف مہم بھی بڑھ رہی ہے۔ یہ وہ چیزیں نہیں جنہیں ہم کینیڈین ہونے کے ناطے دیکھ رہے ہیں۔ یہ وہ چیزیں ہیں جنہیں ہم کینیڈا میں قبول نہیں کر سکتے۔
جسٹن ٹروڈو نے اس سے پہلے کینیڈا نے جنگ میں وقفوں کی ایک سیریز کا مطالبہ کیا تھا تاکہ امدادی کارروائیاں ممکن بن سکیں۔ لیکن اب انہوں نے واضح طور پر اس بمباری کی مسلسل زد میں رہنے والے غزہ کے لیے ایک لمبے وقفے کا مطالبہ کیا ہے۔
جسٹن ٹروڈو کا واضح الفاظ میں کہنا تھا مجھے خوف کو بیان کرنے کی ضرورت نہیں ہے، اس لیے میں سیدھی بات کر رہا ہوں کہ انسانی بنیادوں پر جنگ میں ایک طویل وقفہ کیا جائے، اس وقفے کے دوران تمام یہودی یرغمالی رہا ہو جائیں اور تمام غیر ملکوں کو غزہ سے نکالا جا سکے۔
انہوں نے مزید کہا کہ اس وقفے کے دوران غزہ میں کافی اور حقیقی امدادی کارروائیاں کی جاسکیں تاکہ اس انتہائی ناپسندیدہ انسانی بحران کو ختم کیا جاسکے۔
ان کا یہ بھی کہنا تھا مسئلہ فلسطین کے حل کے لیے دو ریاستی حل کے بھاری بوجھ کو اٹھایا جانا چاہیے تاکہ ایک محفوظ فلسطین اور محفوظ اسرائیل کا تصور ممکن ہو ۔ ایک ایسے آزاد فلسطین کا قیام جو 1967 کی اسرائیل عرب جنگ کے دوران قبضے میں لیے گئے فلسطینی علاقوں پر مشتمل ہو۔ بین الاقوامی سطح پر امن کی کوششیں طویل عرصے سے ہوتی رہی ہیں لیکن اب یہ عمل موجود نہیں ہے۔
پاکستان
بلاول بھٹو زرداری چین کے سفیر جیانگ زیڈونگ سے ملاقات
بلاول بھٹو زرداری سے پاکستان میں چینی سفارت خانے کے منسٹر کونسلر یانگ نو اور پالیٹکل کونسلر وانگ شنجے نے بھی ملاقات کی
![بلاول بھٹو زرداری چین کے سفیر جیانگ زیڈونگ سے ملاقات](/media/117835/conversions/Bilawal-635x380-1280x720.jpg)
پاکستان پیپلزپارٹی کے چیئرمین بلاول بھٹو زرداری چین کے سفیر جیانگ زیڈونگ سے ملاقات ہوئی۔
تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے چینی سفارت خانے میں پاکستان میں چین کے سفیر جیانگ زیڈونگ سے ملاقات کی۔
بلاول بھٹو زرداری سے پاکستان میں چینی سفارت خانے کے منسٹر کونسلر یانگ نو اور پالیٹکل کونسلر وانگ شنجے نے بھی ملاقات کی۔
ملاقات میں دوطرفہ تعلقات کے فروغ پر بات چیت کی گئی۔
بلاول بھٹو زرداری اور چین کے سفیر جیانگ زیڈونگ کے درمیان تجارتی تعلقات میں مزید بہتری پر اتفاق ہوا۔
تفریح
شاہ رخ خان نےمالی سال 24 ۔ 2023 کے دوران 92 کروڑ بھارتی روپے ٹیکس ادا کیا
فہرست کے مطابق بالی وڈ سٹار سلمان خان 75 کروڑ روپے ٹیکس ادا کرکے تیسرے نمبر پر رہے
![شاہ رخ خان نےمالی سال 24 ۔ 2023 کے دوران 92 کروڑ بھارتی روپے ٹیکس ادا کیا](/media/117859/conversions/301006-525871991-1280x720.jpg)
بھارتی اداکاروں نے گزشتہ سال کے دوران حکومت کو اربوں روپے ٹیکس کی مد میں ادا کئے ہیں۔
معروف جریدے فارچون کی رپور ٹ کے مطابق بھارتی اداکاروں میں سے شاہ رخ خان نےمالی سال 24 ۔ 2023 کے دوران 92 کروڑ بھارتی روپے ٹیکس ادا کیا۔2023 میں ہٹ فلمیں ریلیز کرنےوالے شاہ رخ خان نے صرف 2023 میں اپنی فلموں سے 25 ارب بھارتی روپے کمائے۔ سب سے زیادہ ٹیکس ادا کرنے والوں کی فہرست میں دوسرے نمبر پر بھارت کی تامل فلم انڈسٹری کے معروف ادا کار تھالاپاتھی وجے کا نام ہے جنہوں نے 80 کروڑ روپے ٹیکس ادا کیا۔
فہرست کے مطابق بالی وڈ سٹار سلمان خان 75 کروڑ روپے ٹیکس ادا کرکے تیسرے نمبر پر رہے ۔
امیتابھ بچن نے 71 کروڑ روپے اور سٹار کرکٹر ویرات کوہلی نے 66 کروڑ روپے ٹیکس ادا کیا۔ فہرست میں کپل شرما کا نام بھی شامل ہے جنہوں نے گزشتہ مالی سال کے دوران 26 کروڑ روپے ٹیکس ادا کیا۔ واضح رہے کہ بھارتی اداکاروں نے سیلاب سے متاثرہ ریاستوں تلنگانہ اور آندھرا پردیش میں امدادی سرگرمیوں اور متاثرین کی بحالی کے لئے کروڑوں روپے کے عطیات دینے کے اعلانات بھی کئے ہیں۔
پاکستان
پاکستان اگلے 10 سالوں میں قرضہ دینے والاملک بن سکتا ہے ، گوہر اعجاز
گوہر اعجاز نے میڈیا سے گفتگو کرتے ہوئے کہا کہ ملکی معیشت اور افواج کیساتھ کھڑے ہیں ، پاکستان اگلے 10 سال میں قرضہ دینے والاملک بن جائے گا
![پاکستان اگلے 10 سالوں میں قرضہ دینے والاملک بن سکتا ہے ، گوہر اعجاز](/media/117853/conversions/93049_60065923-1280x720.jpg)
سابق وفاقی وزیر گوہر اعجاز کا کہنا ہے کہ ہماری پہلی جنگ آئی پی پیز کے ساتھ ہے ، ملک فوج اور اچھی معیشت سے مضبوط ہوتا ہے۔
تفصیلات کےمطابق گوہر اعجاز نے میڈیا سے گفتگو کرتے ہوئے کہا کہ ملکی معیشت اور افواج کیساتھ کھڑے ہیں ، پاکستان اگلے 10 سال میں قرضہ دینے والاملک بن جائے گا، ان کا کہنا تھا کہ ملک فوج اور اچھی معیشت سے مضبوط ہوتا ہے، ہماری فوج مضبوط ہے لیکن ہم مضبوط معیشت کا خواب دیکھ رہے ہیں۔
ہماری پہلی جنگ آئی پی پیز کے ساتھ ہے ، ہم جو ملک کے مفاد میں بہتر ہو گا وہی کچھ کریں گے ، بزنس کمیونٹی ہمیشہ پاکستان پہلے کی بات کرے گی اورہمارے لیے پاکستان سے بڑھ کر کوئی چیز نہیں ہے۔
-
پاکستان ایک دن پہلے
نیب نے عمران خان اور بشریٰ بی بی کے خلاف نیا توشہ خانہ کیس واپس لے لیا
-
پاکستان 11 گھنٹے پہلے
سرکاری اراضی قبضہ کیس، اسپیشل جج ہمایوں دلاور کے وارنٹ گرفتاری جاری
-
پاکستان 2 دن پہلے
جلسہ ختم نہ کرنے پر پی ٹی آئی کے خلاف ایکشن شروع
-
علاقائی ایک دن پہلے
اسلام آباد میں ریڈ زون کو اچانک سیل کردیا گیا
-
پاکستان 2 دن پہلے
راستوں کی بندش کے باعث پی ٹی آئی جلسہ تاخیر کا شکار
-
دنیا 16 گھنٹے پہلے
متحدہ عرب امارات میں 12 ربیع الاوّل کو عام تعطیل کا اعلان
-
پاکستان 2 دن پہلے
پی ٹی آئی رہنما محمود الرشید کا بیٹا گرفتار، پولیس کی شرکاء کووارننگ
-
پاکستان 7 گھنٹے پہلے
ویتنام میں سمندری طوفان سے تباہی ، 127 افراد ہلاک