الیکشن لڑنا ہے تو گوشوارے جمع کرائیں، الیکشن کمیشن

انتخابات میں حصہ لینا تو گوشوارے جمع کرائیں، الیکشن کمیشن نے تمام اراکین پارلیمنٹ اور صوبائی اسمبلیوں کو ہدایات جاری کر دی۔

الیکشن کمیشن نے کہا ہے کہ ارکان قومی و صوبائی اسمبلی اپنے شریک حیات، بچوں اور زیر کفالت افراد کے گوشوارے بھی جمع کرائیں۔ گوشوارے جمع کرانے کی آخری تاریخ31 دسمبر ہے، یکم جنوری تک مطلوبہ گوشوارے جمع نہ کرانے والوں کے نام شائع کریں گے، 15 جنوری کو ارکان کی رکنیت معطل کر دی جائے گی۔

الیکشن کمیشن نے بیان جاری کیا ہے کہ معطل شدہ اراکین آئندہ اسمبلی کارروائی میں حصہ نہیں لے سکیں گے۔اراکین صوبائی و صوبائی اسمبلی کے اثاثوں اور واجبات کے مالی سال 2022-23 کے گوشوارے جمع کرانے کی حتمی تاریخ 31 دسمبر ہے، ارکان اپنے شریک حیات و زیر کفالت بچوں کے اثاثوں، واجبات کے گوشوارے جمع کرادیں۔

الیکشن کمیشن کا کہنا ہے کہ یکم جنوری تک مطلوبہ گوشوارے جمع نہ کرانے والوں کے نام شائع کئے جائیں گے، اور 15 جنوری تک گوشوارے جمع نہ کرانے والے ارکان کی رکنیت معطل کر دی جائے گی۔

الیکشن کمیشن کے مطابق گوشواروں میں کسی قسم کی غلط معلومات فراہم کرنے والے رکن اسمبلی کیخلاف کارروائی ہوگی۔