فلسطینی حکومت کا الشفاء اسپتال پر اسرائیلی حملے کے بعد بین الاقوامی مداخلت کا مطالبہ

فلسطینی وزارتِ خارجہ نے الشفاء اسپتال پر اسرائیلی افواج کی یلغار کے بعد شہریوں کے تحفظ کے لیے فوری بین الاقوامی مداخلت کا مطالبہ کیا ہے۔

سوشل میڈیا پلیٹ فارم ایکس پر اپنے ٹویٹ میں کہا کہ وزارتِ امورِ خارجہ و تارکین وطن الشفاء ہسپتال اور دیگر ہسپتالوں پر اسرائیلی قابض فوج کے حملے کی مذمت کرتی ہے اور وہاں کے شہریوں کی حفاظت کے لیے فوری بین الاقوامی مداخلت کا مطالبہ کرتی ہے۔

وزارت نے یہ بھی کہا، اسرائیلی حکومت احاطے کے اندر موجود طبی عملے اور ہزاروں مریضوں، زخمیوں اور قبل از وقت پیدا ہونے والے بچوں اور پناہ گزینوں سمیت بچوں کی حفاظت کی مکمل ذمہ داری رکھتی ہے۔

The Ministry pf Foreign Affairs and Expatriates holds the #Israeli government fully responsible for the safety of the #medical teams, thousands of patients, injured individuals, and #children, including premature infants and displaced civilians, present in the #hospital. MOFA… pic.twitter.com/LPRMDxZTvp

— State of Palestine - MFA ???? (@pmofa) November 15, 2023

بدھ کی علی الصبح یہ دعویٰ کرنے کے بعد کہ فلسطینی عسکریت پسند تحریک حماس کا ہسپتال کے احاطے کے نیچے ایک کمانڈ سینٹر ہے، اسرائیلی افواج نے کہا کہ وہ غزہ کے سب سے بڑے الشفاء ہسپتال میں آپریشن انجام دے رہے تھے۔

7 اکتوبر کو حماس کے عسکریت پسندوں نے اسرائیلی سرحد کے پار دراندازی کر کے حملہ کیا تھا جس میں 1,200 افراد ہلاک ہوئے تھے، اس کے بعد سے الشفاء ہسپتال غزہ پر اسرائیلی جنگ کا مرکز رہا ہے۔ دریں اثناء حماس کے زیرِ انتظام حکومت کے فلسطینی حکام نے کہا ہے کہ انکلیو پر اسرائیلی حملوں میں 11,000 سےزائد افراد افراد ہلاک ہو چکے ہیں جن میں سے تقریباً 40 فیصد بچے ہیں۔

ہسپتال شہریوں کے لیے ایک پناہ گاہ بنا ہوا ہے اور ایندھن، بجلی، پانی اور بنیادی طبی سامان کی قلت کے درمیان نازک مریضوں کی دیکھ بھال کے لیے جدوجہد کر رہا ہے۔

بیان میں فلسطینی وزارتِ خارجہ نے اسرائیلی حملے کی مذمت کرتے ہوئے اسے بین الاقوامی اور انسانی قوانین کی صریح خلاف ورزی اور "ان خلاف ورزیوں اور جرائم کی توسیع قرار دیا ہے جو قابض فوج ہمارے لوگوں کے خلاف کر رہی ہے۔"