حکومت نے شادیوں میں ون ڈش ایکٹ کی خلاف ورزی کے خلاف کریک ڈاؤن تیز کردیا

لاہور: نگراں وزیراعلیٰ پنجاب محسن نقوی کی ہدایات کے بعد صوبے بھر میں شادی بیاہ کی تقریبات میں ون ڈش رول کی خلاف ورزی کے خلاف کریک ڈاؤن تیز کردیا گیا ہے۔

تفصیلات کے مطابق پنجاب کابینہ کے وزراء اور افسران نے رات 10 بجے کے بعد لاہور، راولپنڈی اور دیگر اضلاع میں درجنوں شادی گھروں پر چھاپے مارے۔

صوبے کے مختلف اضلاع میں ڈھائی لاکھ روپے سے زائد کے جرمانے کیے گئے، دو درجن سے زائد افراد کو گرفتار کر لیا گیا جبکہ پانچ شادی گھروں کو سیل اور ایک درجن کو وارننگ جاری کر دی گئی۔

یہ بتانا ضروری ہے کہ نگراں وزیراعلیٰ پنجاب محسن نقوی نے انتظامیہ کو سخت ہدایات جاری کی ہیں کہ ون ڈش کی خلاف ورزی کرنے والوں سے کوئی رعایت نہ برتی جائے۔